ଜିସୁ ଗୁଏଚେ ତଡ଼ିଆନେ କବର୍
1 ସାନ୍ତାନେ ପର୍ତୁମ୍ ଦିନ୍ ଞ୍ଜିର୍ନୁଗ୍ ଆତେନ୍ ସେଲାମ୍ବୁଏ ରେମୁଆଁଇଙ୍ଗ୍ ଆଣ୍ଡିଅରିଆ ଜିସୁନେ ଗାଗ୍ଡ଼େକେ ବଆର୍ଗେ ଆତେନ୍ ଜାଗାନ୍ନିଆ ପାଙ୍ଗ୍ଆର୍କେ । ମେଇଙ୍ଗ୍ ନିଜେ ଆରେ ବକ୍ନେ ବାସ୍ନାଚୁ ସାଙ୍ଗେ ଆଃ ଡୁଙ୍ଗ୍ପାଙ୍ଗ୍ ବଆର୍ଗେ । 2 ଗୁଡ଼ୁମ୍ନିଆ ଡାନେସା ମେଁନେ ଗିଃଗାଃନେ ଗାଲିଅରିଆ ମୁଇଙ୍ଗ୍ ମ୍ନାନେ ବ୍ରି ଡା ବ ଆର୍ଗେ । ସେଲାମ୍ବୁଏ ରେମୁଆଁଇଂ କେକେ ଜେ ବ୍ରି ଗୁଣ୍ଡ୍ଲେ ୱେଲାଏଃକେ । 3 ତେସା ମେଇଙ୍ଗ୍ ବିତ୍ରେ ୱେକେ । ମାତର୍ ମେଇଙ୍ଗ୍ ଆତ୍ଅରିଆ ମାପ୍ରୁ ଜିସୁନେ ଗାଗ୍ଡ଼େକେ ଆଅବାଆର୍କେ ଣ୍ଡୁ । 4 ସେଲାମ୍ବୁଏଃ ରେମୁଆଁଇଙ୍ଗ୍ ଆକେନ୍ ଗଟ୍ନା ବିସୟ୍ରେ ମେଃଡିଗ୍ ବୁଜେ ଆୟା ଆର୍କେ ଣ୍ଡୁ । ଏନ୍ ଗଟ୍ନାରେ ମେଇଙ୍ଗ୍ କାବା ଡିଙ୍ଗ୍ୱେଲେଃଆର୍କ୍ନେ ବେଲା ତାର୍କିଗ୍କ୍ନେ ସକା ସଚେ ମ୍ୱାୟା କିତଂ ଦୁତ୍ ମେଇଂ ଡାଗ୍ରା ତୁଆଁକେ । 5 ସେଲାମ୍ବୁଏଃ ରେମୁଆଁଇଂ ଜାବର୍ ବୁଟ ଆର୍କେ । ମେଇଙ୍ଗ୍ ମେଁଇଙ୍ଗ୍ନେ ବାଆଃ ଆବ୍ରିଙ୍ଗ୍ ଲେଃଗେ । ଆତେନ୍ ମ୍ୱାୟା ଦୁତ୍ ଆମେଇଂକେ ସାଲ୍ୟାକୁ ଆର୍କେ "ପେଇଙ୍ଗ୍ ମୁଇଙ୍ଗ୍ ମ୍ବ୍ରଲେଃକ୍ନେ ରେମୁଆଁକେ ଆକ୍ଅରିଆ ମେଁନ୍ସା ତୁର୍ପେଡିଙ୍ଗ୍କେ ? ଆକେନ୍ ତ ଗୁଏକ୍ନେ ରେମୁଆଁଇଂନେ ଜାଗା । 6 ଜିସୁ ଆକ୍ଅରିଆ ଣ୍ଡୁ ମେଁ ଗୁଏଚେ ଆରି ମୁଇଙ୍ଗ୍ ତର୍ ଜିବନ୍ ଡିଙ୍ଗ୍ଚେ ତଡ଼ିଆଲେକେ । ମେଁ ଗାଲିଲୀଅରିଆ ଲେଃକ୍ନେ ବେଲା ଆପେକେ ମେଁନେ ବାସଙ୍ଗ୍ ବକେ ଆତେନ୍ ପେଇଂନେ ମନେ ତ୍ଲାଗ୍ କେଲାପା ? 7 ଜିସୁ ବାସଙ୍ଗ୍ବକେ ଜେ ରେମୁଆଁ ଉଙ୍ଗ୍ଡେକେ ଦଦ୍ୟା ରେମୁଆଁଇଂନେ ନ୍ତିବାନ୍ କୁରୁସ୍ନ୍ନିଆ ବାଗୁଏଃ ନ୍ସା ସତେଆ ଆଃସାଃ ବିଃଆର୍ଏ । ମାତର୍ ଆରି ଗୁଏଚେ ଜିର୍ସି ଦିନା ଇଡ଼ିଙ୍ଗ୍ ମ୍ବ୍ରଚେ ତଃଡ଼ିଆଏ ।"