35 ଇଡ଼ିଙ୍ଗ୍ ଜେବଦୀନେ ଉଙ୍ଗ୍ଡେଇଂ ଜାକୁବ୍ ଆରି ଜହନ୍ ମେଁ ଡାଗ୍ରା ପାଙ୍ଗ୍ଚେ ବାସଙ୍ଗ୍ଆର୍କେ, "ଏ ଗୁରୁ ନେ ସାପାରେନେ ଇକ୍ଚା ଜେ ନେ ସାପାରେ ନାଁ ଡାଗ୍ରା ମେଃଡିଗ୍ ନେସାଲ୍ୟାଏ, ଆତେନ୍ ନେ ସାପାରେ ନ୍ସା ବିଃଲା ।"
36 ଆତ୍ବାନ୍ ଜିସୁ ଆମେଇଂକେ ସାଲ୍ୟାକୁକେ, "ନେଙ୍ଗ୍ ପେନ୍ସା ମେଃନେ ଣ୍ଡିଂଏ ଡାଗ୍ଚେ ପେ ସାପାରେ ଇକ୍ଚା ଡିଙ୍ଗ୍ପେଡିଙ୍ଗ୍କେ ?"
37 ମେଁଇଙ୍ଗ୍ ବାସଙ୍ଗ୍ଆର୍କେ, "ନାଁନେ ମଇମା ତ୍ନାଲା ସିଂଆସନ ଅରିଆ ନାକଏ, ଡିରକମ୍ ନେ ସାପାରେନେ ବିତ୍ରେ ମୁଇଙ୍ଗ୍ଜାକେ ନାଁନେ ଞ୍ଚଙ୍ଗ୍ତି ପାକା ଆରି ମୁଇଂଜାକେ ବେସ୍ୟାଃତି ପାକା କୁକନ୍ସା ଆନେକେ ଆକେନ୍ ଆସିର୍ବାଦ୍ ବିଃଲା ।"
41 ବିନ୍ ଗୁଆ ରେମୁଆଁ ଆକେନ୍ ଅଁଚେ ଜାକୁବ୍ ଆରି ଜହନ୍ନେ ଆଡ଼ାତ୍ରା ରିସା ଡିଙ୍ଗ୍ଆର୍କେ । 42 ୧୦:୪୨ ଲୁକ୍ ୨୨:୨୫,୨୬.ଆତ୍ବାନ୍ ଜିସୁ ଆମେଇଂକେ ଡାଗ୍ରା ୱାଚେ ବାସଙ୍ଗ୍କେ, "ଜାଣ୍ଡେଇଂ ବିଜାତିଇଙ୍ଗ୍ନେ ଆଡ଼ାତ୍ରା ସାସନ୍ ଡିଙ୍ଗ୍ଣ୍ଡ୍ରେ ରକମ୍ ଲେଃଆର୍କେ । ମେଇଙ୍ଗ୍ ମେଇଙ୍ଗ୍ନେ ଆଡ଼ାତ୍ରା ସାସନ୍ ଡିଙ୍ଗ୍ଆର୍ଏ । ଆକେନ୍ ପେ ମ୍ୟାଃପେଲେକେ । 43 ୧୦:୪୩ ମାତିଉ ୨୩:୧୧; ମାର୍କ ୯:୩୫; ଲୁକ୍ ୨୨:୨୬.ମାତର୍ ପେ ବିତ୍ରେ ଦେକ୍ରକମ୍ ଣ୍ଡୁ । ମାତର୍ ପେ ସାପାରେ ବିତ୍ରେ ଜାଣ୍ଡେ ମ୍ନା ଡିଙ୍ଗ୍ନେ ଚାଏଁ ଡିଙ୍ଗ୍କେ, ମେଁ ବିନ୍ ରେମୁଆଁନେ ଗତିରେ ଡିଙ୍ଗ୍ଲେଃ । 44 ଆରି ପେ ବିତ୍ରେବାନ୍ ଜାଣ୍ଡେ ସାପାବାନ୍ ମ୍ନା ଡିଙ୍ଗ୍ନ୍ସା ଇକ୍ଚା ଡିଙ୍ଗ୍ଏ, ମେଁ ସାପାରେନେ ଗତିରେ ଡିଙ୍ଗ୍ଲେଃ । 45 ଡାଗ୍ଲା ମାପ୍ରୁ ଉଙ୍ଗ୍ଡେ ଡିଗ୍ ସେବା ବାନ୍ସା ପାଙ୍ଗ୍ ଆଲେଃକେ ଣ୍ଡୁ । ଆରି ସେବା ଡିଙ୍ଗ୍ନ୍ସା ଆରି ଗୁଲେ ରେମୁଆଁଇଂ ଆତ୍ଲା ଉଦାର୍ ଡିଂନେନ୍ସା ନିଜର୍ ପାରାନ୍ ବିଃନେ ପାଙ୍ଗ୍ଲେଃକେ ।"
ଜିସୁ ବାର୍ଟିମୟ ମୁଇଂ କାନାକେ ନିମାଣ୍ଡା ଆଡିଙ୍ଗ୍କେ
(ମାତିଉ ୨୦:୨୯-୩୪; ଲୁକ୍ ୧୮:୩୫-୪୩)