ସାରାସାରି ବିଚାର୍
31 ୨୫:୩୧ ମାତିଉ ୧୬:୨୭; ମାତିଉ ୧୯:୨୮. "ଉଡ଼ିବେଲା ରେମୁଆଁ ଉଙ୍ଗ୍ଡେ ଇଃସାଙ୍ଗ୍ ଡିଙ୍ଗ୍ଚେ ମେଁନେ କିତଂ ଦୁତ୍ଇଂ ଏତେ ପାଙ୍ଗ୍ଏ ମେଁ ଗୌରବ୍ ତାର୍କିଗ୍କ୍ନେ ସିଂଆଁସନ୍ ଅରିଆ କଏ 32 ଆରି ମଞ୍ଚ୍ପୁର୍ନେ ସାପା ବାସାନେ ରେମୁଆଁଇଂ ମେଁନେ ଡାଗ୍ରା ରିସିଙ୍ଗ୍ ଆର୍ଏ । ଆତେନ୍ବେଲା ମେଣ୍ଡା ତୁର୍ତିଆରେ ଡିରକମ୍ ଗିମିଃ ଆରି ମେଣ୍ଡାଇଂକେ ବିନେ ଆଡିଙ୍ଗ୍ ବିଏ ରେମୁଆଁ ଉଙ୍ଗ୍ଡେ ଦେତ୍ରକମ୍ ରେମୁଆଁଇଂକେ ମ୍ୱାର୍ ଦଲ୍ ଆଡିଙ୍ଗ୍ଚେ ବାଟାଏ । 33 ଦାର୍ମିକ୍ ରେମୁଆଁଇଂକେ ମେଁ ଇଂଚଙ୍ଗ୍ତି ପାକା ଆରି ବିନ୍ରେକେ ମେଁନେ ବେସ୍ୟାତି ପାକା ବଏ ।"
34 ତେନ୍ ଇଡ଼ିଂ ମେଁନେ ଞ୍ଚଙ୍ଗ୍ତି ପାକା ଲେଃକ୍ନେ ରେମୁଆଁଇଂକେ ଇଃସାଙ୍ଗ୍ ବାସଙ୍ଗ୍ଏ ଗେଲାପା ଆପେକେ ନେଙ୍ଗ୍ନେ ଆବା ଆସିର୍ବାଦ୍ ଡିଙ୍ଗ୍ବକେ । ମଞ୍ଚ୍ପୁର୍ ତିଆର୍ ଡିଙ୍ଗ୍ନେ ସେନୁଗ୍ ଆଣ୍ଡିନେ ରାଇଜ୍ ପେନ୍ସା ଆର୍ମେଚେ ବକେ ଆତ୍ଅରିଆ ପେ ଗାଲାପା ।
41 "ତେନ୍ ଇଡ଼ିଂ ବେସ୍ୟାତି ପାକା ଲେଃକ୍ନେ ରେମୁଆଁଇଂକେ ମେଁ ବାସଙ୍ଗ୍ଏ, ଇସ୍ପର୍ବାନ୍ ଅବିସାପ୍ ବାଲେଃକ୍ନେ ରେମୁଆଁଇଂ ! ନେଙ୍ଗ୍ ସାର୍ମୁଆଁବାନ୍ ଲାଗ୍ଡଲାପା । ସଏତାନ୍ ଆରି ମେଁନେ ଦୁତ୍ଇଂ ଆତ୍ଲା ଅଃନା ମାଲିଗ୍ନେ ତ୍ଲଃକ୍ନେ ସୁଆ ଆର୍ମେଚେ ବକେ, ଆତ୍ଅରିଆ ପେ ୱେଲାପା ।
46 ଏନ୍ ରେମୁଆଁଇଂ ସାପାଦିନା ନ୍ସା ଡଣ୍ଡ୍ ବଗେ ଆର୍ଏ ଆରି ଦାର୍ମିକ୍ଇଂ ମାଡାନେ ଜିବନ୍ ଲାବ୍ ଡିଙ୍ଗ୍ଆର୍ଏ ।"