ମାତିଉ 9

ଜିସୁ ମ୍ବାୟା କାନାକେ କିକେନେ ବପୁ ବିକେ

27 ଜିସୁ ଆତ୍‌ବାନ୍ ୱେନେ ବେଲା ମ୍ବାୟା କାନା ଜିସୁନେ ପ୍ଲା ପ୍ଲା ୱେଆର୍‌କେ । ମେଇଂ ୱାସାର୍‌ଚେ ବାସଙ୍ଗ୍‌କେ "ଏ ଦାଉଦ୍ ଉଙ୍ଗ୍‌ଡେ ଆନେକେ ଦୟା ଡିଙ୍ଗ୍ ।"

28 ମେଇଂ ଜିସୁନେ ପ୍ଲା ୱେଚେ ମୁଇଙ୍ଗ୍ ଡୁଆ ୱେଚା ଆର୍‌କେ । ଆତ୍‌ଅରିଆ ଜିସୁ ଆମେଇଂକେ ସାଲ୍ୟାକୁକେ, "ଆପେକେ ନିମାଣ୍ଡା ଆଡିଙ୍ଗ୍ ୟାଏ ଡାଗ୍‌ଚେ ପେଇଂ ବିସ୍‌ବାସ୍ ଡିଙ୍ଗ୍ ପେଡିଂକେ କି ?"

ମେଇଂ ବାସଙ୍ଗ୍‌ ଆର୍‌କେ, "ଅ ମାପ୍‌ରୁ ।"

29 ଆତେନ୍‌ ବେଲା ଜିସୁ ମେଁଇଂନେ ମୁଆଃନ୍ନିଆ ଲିଗ୍‌ଚେ ବାସଙ୍ଗ୍‌କେ "ପେନେ ବିସ୍‌ବାସ୍ ଇସାବ୍‌ରେ ଆତେନ୍‌ ଡିଙ୍ଗ୍‌ଲେ ।" 30 ଆତେନ୍‌ ଦାପ୍ରେ ମେଇଂ ମୁଆଃ କିକେନେ ବପୁ ବାଆର୍‌କେ; ଜିସୁ ଆମେଇଂକେ ଡାଟ୍ ରକମ୍ ଆଦେସ୍‌ ବିଚେ ବାସଙ୍ଗ୍‌କେ "ତରକ୍‌ ଲାଃଲା ! ଜାଣ୍ଡେ ଡିରକମ୍ ଏନ୍‌ ସାମୁଆଁ ଆମ୍ୟା ଆର୍‍ଲେ ।"