12 ପେନେ ନାସେୱେଲେକ୍ନେ ଗାଗ୍‌ଡ଼େ ଆଡ଼ାତ୍ରା ପାପ୍‍ ବାରି ସାସନ୍‍ ଆଡିଙ୍ଗ୍‍ ଲେଃ । ପେ ବାରି ମେଁ ରକମ୍‍ ଡିଗ୍‍ ଗାଗ୍‍ଡ଼େକେ କେଚେ ମେଁ ଡାଗ୍ରା ଚଗ୍‌ଡାଙ୍ଗ୍‌ ଆଲେଗ୍‍ପା । 13 ପେ ନିଜ୍‍କେ ମେଃଡିଗ୍ ବାବ୍‌ରେ ପାପ୍‍ ଡାଗ୍‍ରା ସର୍‍ପେ ବିଚେ ଦଦ୍ୟା‍ କାମ୍‍ନେ ଜିନିସ୍ ରକମ୍ ବେବ‍ଆର୍‍ ଆଡିଂଗେପା । ଣ୍ଡୁଲା ଗୁଏକ୍ନେବାନ୍‍ ରକ୍ୟା ବାଚେ ଜିବନ୍‍ ବାଲେଗେସା ପେ ସତ୍‍କାମ୍‍ ଡିଙ୍ଗ୍‍ନେସା ନିଜେ ନିଜେକେ ପୁରାପୁରି ବାବ୍‍ରେ ଇସ୍‍ପର୍‍ ଡାଗ୍‍ରା ସର୍‍ପେ ବିଃପା । 14 ପାପ୍ ପେ ଆଡ଼ାତ୍ରା ସାସନ୍‍ ଆଡିଙ୍ଗ୍‍ଲେ । ପେ ବାରି ନିୟମ୍‍ରେ ପେଲେଃକେ ଣ୍ଡୁ । ମାତର୍‍ ଇସ୍‍ପର୍‍ନେ ଦୟାରେ ମ୍ବ୍ର ପେଲେଃକେ ।

15 ତେଲା ନେ ନିୟମ୍‍ନେ ଆଲ ମାଲେଃଚେ ଇସ୍‍ପର୍‍ନେ ଆସିର୍ବାଦ୍ ବାନେଲେଃକେ ଡାଗ୍‍ଚେ ମେଃନେ ବାରି ପାପ୍‍ ଡିଙ୍ଗ୍‍ ନେଲେଃ ? ଅଃନାଡିଗ୍ ଣ୍ଡୁ । 16 ପେ ମିଆଁ ପେଲେଃକେ ଜଦି ପେ ଜାନେ ସାମୁଆଁ ମାନେଚେ ମେଃନେ ପୁରାପୁରି ବାବ୍‍ରେ ଆଦେସ୍‍ ମାନେଃଏ ତେଲା ପେ ମେଃନେ ଚାକର୍‌ । ଜଦି ପାପ୍‍ନେ ଚାକର୍‌ ପେଡିଙ୍ଗ୍‍ଏ ଆକ୍ମେନେ ଅବସ୍ତା ଡିଙ୍ଗ୍‍ଏ ଗୁଏନେ: ଜଦି ଦରମ୍‍ରେ ପେଅଲେଙ୍ଗ୍‍ଏ ତେଲା ଜିବନ୍‍ ପେବାଏ । 17 ମାତର୍‍ ଇସ୍‍ପର୍‍କେ ଦନ୍ୟବାଦ୍‍ ବିଣ୍ଡିଂକେ ଜଦି ଡିଙ୍ଗ୍‍ଏ ମୁଇଂ ଦିନା ପେ ପାପ୍‍ନେ ଚାକର୍‌ ପେଲେଃକେ ପେ ଏବେ ମାପ୍‍ରୁ ସାମୁଆଁବାନ୍ ବୁଦି ବାଲେକ୍ନେ ସତ୍‍ ଆଣ୍ଡେଙ୍ଗ୍‍ କାଲାଆଃ ପାଲନ୍‍ ଡିଙ୍ଗ୍‍ପେଡିଙ୍ଗ୍‍ । 18 ପେ ପାପ୍‍ବାନ୍‍ ମୁକ୍ତି ବାଚେ ଦରମ୍‍ନେ ଚାକର୍‌ ଡିଙ୍ଗ୍‍ପେଲେଃକେ ।