3 ଗଡ଼ାକେ ନିଜର୍ ଦାଇତ୍‌ରେ ବନେନ୍‌ସାଃ ନେ ଲାଗାମ୍ ନେଃବିଃଏ ଆରି ନେଃନେ ଇକ୍‌ଚା ଅନୁସାରେ ମେଁନେ ଗାଗ୍‌ଡ଼େକେ ଆଃଅଲେଙ୍ଗ୍ ନେଃୟାଏ । 4 ମୁଇଂ ମ୍ନାଃ ଜା‍ଆଜ୍‌ ବିସ‍ୟ୍‌ରେ ନେଃଗାପା । ଜାଆଜ୍‌ ଆଃକିର୍‌ଣ୍ଡ୍ରେ ମାଲେ ୱେଡ଼୍ୟାଃ ପାଂଡିଂଲା ଣ୍ଡିଗ୍‌ ଉଦିଗ୍‌ ଡାଆଁ ପ୍ଲଗ୍ ଏଃତେ ଆମେକେ ଅନ୍‌ମାନ୍‌ ଡିଂଚେଃ ଇକ୍‌ଚା ଅନୁସାରେ ଆଃକିର୍ ଡୁଂୱେଏ । 5 ଆକେନ୍‌ ଉଦାଅରନ୍‌ ନ୍ଲିଆ ଡାଗ୍ରା ଲେଃକେ । ଆତେନ୍‌ ଡାଆଁ ଡିଂଲା ଣ୍ଡିଗ୍‌ ମ୍ନାଃ ମ୍ନାଃ ସାମୁଆଁ ବାସଂଚେଃ ଗରବ୍‌ ଡିଂୟାଏ । ନେଃଗା କେଲାପା ଡିଡିରକମ୍‌ ମାଃସ ଡିଂଲାଣ୍ଡିଗ୍‌ ମ୍ନାଃ କଣ୍ଡାକେ ଆଗିଃ ବିଃଏ । 6 ନ୍ଲିଆ ସୁଆ ସୁଗୁଆ; ଗୁଲୁଏ ନାଲେ ବିସ‍ୟ୍‌ରେ ତ୍ନଲେଃକେ; ବାରି ଆତେନ୍‌ ନେଃନେ ଗାଗ୍‌ଡ଼େ ବିତ୍ରେ ଲେଃକ୍ନେ ନ୍‌ସାଃ ନାଲେ ବପୁ ବେପ୍ରେଚେଃ ନେଃନେ ସର୍‌ତେ ଜିବନ୍‌କେ ପାପ୍ ଆଡିଂଏ । ନ୍ଲିଆନେ ନର୍କ ସୁଆ ନେଃନେ ସାପା ଜିବନ୍‌କେ ଆଃଗିଃବିଏ । 7 ରେମୁଆଁ ସର୍‌ତେ କଣ୍ଡାଜନ୍ତୁ ପ୍ଲିଗ୍‌ ବୁବଃ ଗିଡ଼ିଆ କେଣ୍ଡିଆନ୍ନିଆ ଲେଃନେ ଜିବ୍‌କେ ନିଜର୍ ଅଦିକାର୍‌ରେ ବ ୟାକେ । 8 ମାତର୍ ଜାଣ୍ଡେଃ ଅଃନା ନ୍ଲିଆକେ ନିଜର୍ ଅଦିକାର୍ ଆଡିଂ ଆୟାକେ ଣ୍ଡୁ । ଆତେନ୍‌ ମିଚ୍‌ ଆରି ବାଗୁଏଟୁଗୁଏ, ମାଲେ ୱିଂଆଃ ରିଙ୍ଗ୍‌ଆଃନ୍ନିଆ ଆତେନ୍‌ ତ୍ନଲେଃକେ ।