ጾሳ አሳቱዋ ኬካተ እሞታ
1 ኑዋዳን ጾሳ አሳቶ፥ ጾሳ አ ኬካተይ ማቅዶንያ አማንያዋንቱ ግዶን ኦዳዋ ህንተና ኤርሳናዉ ኮዬቶ። 2 ኡንቱንቱ አዳ ዋይያን ዎልቃማ ፓጭያ ፓጨቴድኖ፤ ሽን ኡንቱንቱ ህዬሳ ግዶፐካ፥ ባረንቱ እምያዋን ዳሮ ኬክኖነ ቃይ ዎልቃማ ናሸቻ ናሸቲኖ። 3 አያዉ ጎፐ፥ ኡንቱንቱ ባረንቱ ዎልቃ ኬና ቃይ ሀራይ አቶ ባረንቱ ዎልቃፐካ ዳርያዋ ዶሲደ እሜዳዎ ታን ማርካ። 4 ኡንቱንቱ ጾሳ አሳቱዋ ማድያ ሎኦ ኦሱዋ ኑናና ኦናዉ ኑና ዳሮ ዎሴድኖ። 5 ኡንቱንቱ ኑን ቆፔዳዋፐ አደ ኦድኖ፤ ካሰቲደ ኡንቱንቱ ባረንቱ ሁጲያ ጎዳዉ እሜዳዋፐ ጉይያን፥ ጾሳ ሸንያዳን፥ ኑዉካ ባረንቱ ሁጲያ እሜድኖ።
9 አያዉ ጎፐ፥ ህንተ ኑ ጎዳ የሱስ ክርስቶሳ አ ኬካተ ኤሪታ፤ ክርስቶስ ዱረ ግድ ደኢደ፥ ህንተ አ ህዬሳተን ዱረታናዳን፥ ህንተ ድራዉ ህዬሴዳ።
12 አያዉ ጎፐ፥ እት ኡራይ እማናዉ ሎይ ኮዮፐ፥ እ ባረዉ ደኤዳ ኬና እማናፐ አትን፥ አዉ ባይናዋ አፐ አከና።