የሌዳዋንቱባነ የለቴዳ ናናቱዋባ
1 ናቶ፥ ህንተና የሌዳዋንቶ ጎዳ ቦንችያዋዳን አዛዘትተ፤ አያዉ ጎፐ፥ ሀዌ ኦናዉ በስያዋ።6:1 ቆል. 3:20 2,3 "ነዉ ኡባባይ ሎአናዳንነ ሳኣን ነ ላይይ አዱቃናዳን፥ ነ አዉዋነ ነ ዳዮ ቦንቻ" ግያ አዛዙ ጾሳይ እማና ጌዳ ህዶታና ደእያ ኮይሮ አዛዙዋ።6:2-3 ከሳ 20:12፤ ዛረ. 5:16
4 አዋቶ፥ ህንተ ህንተ ናናቱዋ ጎዳ ሴራንነ ዞርያን ድችተፐ አትን፥ ኡንቱንታ ሀንቀፕተ።6:4 ቆል. 3:21
ጎዳቱዋባነ አይላቱዋባ
5 አይላቶ፥ ክርስቶሳዉ ኦያዋዳን፥ ህንተ ጎዳቶ ያሻተንነ ኮኮርሳን ሱረ ዎዛናፐ አዛዘትተ።6:5-8 ቆል. 3:22-25 6 ጾሳይ ጌዳዋ ኦያዋንቱዳን፥ ክርስቶሳ አይላቱዋዳን፥ ዎዛናፐ ኦተፐ አትን፥ አሳ ናሸቻናዉ ኦያዋዳን፥ አሳይ በኦ ጊደ ኦፕተ። 7 አሳዉ ግደናን ጎዳዉ ኦያዋዳን፥ በናን ዎዛናፐ ኦተ። 8 አይለ ግድና ዎይ ዎማኑዋ ግድና፥ እ ኦያ ሎኦ ኦሶ ኡባዉ ጎዳይ ሁጲያን ሁጲያን ዎይታናዋ ኤሪታ።
9 ጎዳቶ፥ ህንተ አይለቱዋ ናስያዋ አጊደ፥ ኡንቱንቶ ሄዋዳን ኦተ፤ ህንተናነ ኡንቱንታ ጋ ሞድያ ጎዳይ፥ ኦናነ ማድ ፕርደናዌ፥ ሳሉዋን ደእያዋ ኤሪታ።
ጾሳ ኦላ ሚሻቱዋባ
10 ዉርሰን፥ ጎዳንነ አ ዎልቃማ ዎልቃን ኡባ ዎደ ምንተ። 11 ጻላህያ ኢታ ጭሙዋ ተአናዉ ህንተ ዳንዳያና ማላ፥ ጾሳይ ህንተንቶ እምያ ኦላ ማዩዋ ኡባ ማይተ። 12 አያዉ ጎፐ፥ ኑን ቦላ ሳሉዋ ደእያ ኢታ አያና ዎልቃቱዋና፥ ሞድያዋንቱና፥ ጎዳተይ ደእያዋንቱናነ ሀ ማ ቢታ ሞድያዋንቱና ኦለትያዋፐ አትን፥ አሳና ኦለቶኮ።
13 ሄዋ ድራዉ፥ ኢታ ጋላሳን6:13 ኢታ ጋላሳን፦ ሀእ ደእያ ዎድያ ዎይ ሀይቁዋ ጋላሳ ዎይ ዉርሰ ፕርዳ ዎይ ሙራ ጋላሳ ግያዋ። ተአናዉነ ቃይ ዉርሰይ ጋካናዉ ዋቶዋፐ ጉይያን፥ ምን ኤቃናዉ ህንተ ዳንዳያና ማላ፥ ጾሳ ኦላ ሚሻ ኡባ ኦይቂተ። 14,15 ሄዋ ድራዉ፥ ጼሳን ሳቂያ ዳንጭያዋዳን ቱማተ ዳንጪደ፥ ትራን ዎያ ኦላ ሚሻዳን ጽሎተ ማዪደ፥ ህንተ ገድያን ጫማ ዎያዋዳን ሳሮተ ምሽራቹዋ ቃላ ኦዳናዉ ጊጊደ፥ ምን ኤቂተ።6:14-15 ኢሳ. 52:7 16 ሄ ኡባፐ አደ፥ ጻላሂ የድያ ዎንዳፍያ ታማ ኡባ ቶይሳናዉ፥ አማኑዋ ኡባ ዎደ ጎንዳልያዳን ኦይቂተ። 17 አቶተ ሁጲያን ዎያ ብራታ ቆብያዳን ዎተ፤ ቃይ ጌሻ አያና ማሻ ግዴዳ ጾሳ ቃላ ኦይቂተ።6:17 ኢሳ. 59:17 18 ጾሳ ዎሲደነ አ ማዱዋ ኦቺደ፥ ኡባ ዎደ ጌሻ አያናን ጾሳ ዎስተ። ሄዋ ድራዉ፥ ምንተ፤ ሳለቶፕተ፤ ጌሻቱዋ ኡባዉ ጾሳ ኡባ ዎደ ዎስተ።
19 ቃይ ታን ያየናን ዎንጋላ ጹራ ኦዳናዉ፥ ጾሳይ ታ ዶና ዶዪደ፥ ሃሳይያዋ እማናዳን፥ ታዉካ ጾሳ ዎስተ። 20 ታን ሀእ ቃሹዋን ደኦፐካ፥ ሀ ዎንጋላ ድራዉ ታን ኪተቴዳዋ፤ ታን አባ ታዉ በስያዋዳን ያየናን ኦዳና ማላ፥ ታዉ ጾሳ ዎስተ።
ዉርሰ ሳሮታ
21 ሽን ታን ዋና ደእንቶነ አያ ኦይታንቶ ህንተካ ኤራናዳን፥ ኑ ሲቆ እሻይ፥ ጎዳ ኦሱዋን አማነቴዳ ቆማይ ትክቆስ፥ ታዋ ኡባ ህንተንቶ ኦዳናዋ።6:21 ኪታ 20:4፤ 2 ጽሞ. 4:126:21-22 ቆል. 4:7-8 22 ኑን ኡባይ ዋን ደእንቶ ህንተንቶ ኦዲደ፥ ህንተና ምንሳና ማላ፥ ታን አ ህንተኮ ኪታድ።
23 ጾሳ አዉዋፐነ ጎዳ የሱስ ክርስቶሳፐ ሳሮተይነ ሲቆተይ አማኑዋና እትፐ እሻቱዋ ኡባዉ ግዶ፤ 24 ዶቼና ሲቁዋን ኑ ጎዳ የሱስ ክርስቶሳ ሲቅያ ኡባቱዋና ጾሳ አ ኬካተይ ግዶ። አመንእ።