ዮሃንሳ ምሽራቹዋ 20:1,6,7,11,14-16,18

የሱስ ሀይቁዋፐ ደንዴዳ

1 ዎጋ ጋላስ ጉራን፥ ብሮ ዳብዳብያዋን፥ ማግዳላ ጌተትያ ካታማፐ ዬዳ ማይራማ የሱስ ሞገቴዳ ዱፉዋኮ ባደ ሹቻይ ሄ ጎንጎሉዋ ዶናፐ ደንድክቼዳዋ በኣዱ።

6 ስሞን ጰጽሮሰ አ ካል ዪደ፥ ዱፉዋ ግዶ ገሌዳ። ያቲደ ሞጉዋ አፍላይ ሄዋን ደእያዋ በኤዳ፤ 7 ቃይ የሱሳ ሁጲያን ጻጸት ኡቴዳ አፍላይ ሄ ጻጸቴዳዋዳንካ ዱማ እት ሳኣን ደእያዋ በኤዳ፤ ሄ አፍላይ ዱማ ደኤፐ አትን፥ ሞጉዋ አፍላና እትፐ ደኤና።

11 ሽን ማይራማ ሄ ዱፉዋ ዶናን ኤቃደ ዬካደ ሆካደ ዱፉዋ ግዶ ጼላዱ።

14 ሄዋ ጌዳዋፐ ጉይያን፥ ጉየ ስማ ጼላደ፥ የሱስ ኤቄዳዋ በኣዱ። ሽን እ የሱሳ ግዴዳዋ አኬካበይኩ። 15 የሱስ እዞ፥ "ምሽራቴ፥ አያዉ ዬካይ? ኦና ኮያይ?" ያጊደ ኦቼዳ።

ማይራማ አትክልትያ ናግያዋ ጋደ፥ "ጎዳዉ፥ ኔን አኬዳዋ ግዶፐ፥ አ ሀቃን ዎድንቶ፥ ታዉ ኦዳርኪ፤ ታን አ አካና" ያጋዱ።

16 የሱስ እዞ፥ "ማይራሜ" ያጌዳ።

አ አኮ ስማደ፥ እብራይስጸ ቃላን "ራቡኒ" ያጋዱ፤ ሄዋ ብለይ "ታማርስያዎ" ግያዋ።

18 ማግዳላ ጌተትያ ካታማፐ ዬዳ ማይራማ ጎዳ በኤዳዋነ እዝዉ እ ሄዋ ኦዴዳዋ ባደ ካልያዋንቶ ኦዳዱ።

የሱስ ባረ ካልያዋንቶ ቤቴዳ

(ማቶሳ 28:16-20፤ ማር. 16:14-18፤ ሉቃሳ 24:36-49)