ዮሃንሳ ምሽራቹዋ 3:1-10

የሱሳነ ንቆድሞሳ

1 ፓርሳዋቱዋፐ ግዴዳ ካፑዋ ንቆድሞሳ ጌተትያ እት ብታኒ ደኤ። 2 ንቆድሞስ ቃማ የሱሳኮ ዪደ፥ "ታማርስያዎ፥ ኔን ኑና ታማርሳና ማላ ጾሳይ ኪቴዳ ግድያዋ ኑን ኤሬቶ፤ አያዉ ጎፐ፥ ጾሳይ አናና ደእያ አሳፐ አትን፥ ሀ ኔን ኦያ ዎልቃማ ማላታቱዋ ኦናዉ ዳንዳይያ አሳይ ባዋ" ያጌዳ።

3 የሱስ ዛሪደ፥ "ታን ነዉ ቱሙዋ ኦዳይ፤ አሳይ ላኤንዋ የለታና ዮፐ፥ ጾሳ ካዉተ በአናዉ ዳንዳየና" ያጌዳ።

4 ንቆድሞስ፥ "ጭማ አሳይ ዋኒደ ላኤንዋ የለታናዉ ዳንዳዪ? ባረ ዳይ ኡሉዋ ስም ገሊደ፥ ላኤንዋ የለታናዉ አሳይ ዳንዳዪ?" ያጌዳ።

5 የሱስ ዛሪደ፥ "ታን ነዉ ቱሙዋ ኦዳይ፤ አሳይ ሃፐነ ጌሻ አያናፐ የለታና ዮፐ፥ ጾሳ ካዉተ ገላናዉ ዳንዳየና። 6 አሳይ አሹዋን አሳፐ የለቴ፤ ሽን አሳይ አያናን ጌሻ አያናፐ የለቴ፤ 7 ‘ህንተንቱ ላኤንዋ የለታናዉ በሴ’ ጋደ ታን ኦዴዳ ድራዉ፥ ማላለቶፓ። 8 ጫርኩ ባረ ኮዬዳሳ ጫርኬ። ኔን አ ኮሹንቻ ስሳሳ፤ ሽን እ ሀቃፐ ይንቶ ዎይ ሀቃ ብንቶ ኤራካ። ጌሻ አያናፐ የለቴዳ ኡባይ ሄዋ ማላ" ያጌዳ።

9 ንቆድሞስ፥ "ሀዌ ዋኒደ ሀናናዉ ዳንዳዪ?" ያጊደ ኦቼዳ።

10 የሱስ ዛሪደ፥ "ኔን እስራኤላቱዋ ታማርስያዋ ግዳደ ሀዋ ኤርኪ?