ዮሃንሳ ምሽራቹዋ 5:1-9

የሱስ ጉንዳ ብታንያ ዳጋት ኡቴዳ ሃ ማታን ፓዳ

1 ሄዋፐ ጉይያን፥ የሱስ አይሁዳቱ ቦንችያ ባላዉ የሩሳላመ ቤዳ። 2 የሩሳላመን ዶርሳ ፐንግያ ማታን እብራይስጸ ቃላን ቤተሳይዳ ጌተትያ ዳጋት ኡቴዳ ሃይ ደኤ፤ ሄ ዳጋት ኡቴዳ ሃ ዩይ አዳ እቼሹ ካሻይ ደኤ። 3 ሄዋን ጮራ ሀርጋንቻቱ፥ ቆቃቱ፥ ዎባቱነ ስሌዳዋንቱ ግሴድኖ። [ሃይ ቃጽያዋ ናጊኖ። 4 አያዉ ጎፐ፥ እት እት ገደ ጎዳ ኪታንቻይ ሄ ዳጋቴዳ ሃኮ ገሊደ፥ ሃ ቃ፤ ሃይ ቃጼዳዋፐ ጉይያን፥ ኮይሮ ገሌዳ ኡራይ ባረና ኦይቄዳ አይ ሀርግያፐካ ፓጼ።]*5:4 ሀ ፓይዱ እት በን ኮይሮቲደ ጻፈቴዳ ጌሻ ማጻፋቱዋን ባዋ። 5 ሄዋን ሀታማነ ሆስፑን ላይ ሳከቴዳ እት ብታኒ ደኤ። 6 ሄ ብታኒ ሄዋን ግሴዳዋ የሱስ በኢደ፥ ዳሮ ዎድያ ሳከቴዳዋካ ኤሪደ ብታንያ፥ "ፓጻናዉ ኮያይ?" ያጌዳ።

7 ሳከትያ ብታኒ ዛሪደ፥ "ጎዳዉ፥ ሃይ ቃጽያ ዎደ፥ ታና ሃን የግያ አሳይ ዬዳ፤ ታን ገላና ሀንያ ዎደ፥ ሀራ ኡራይ ታፐ ካሰቲደ ገል አጌ" ያጌዳ።

8 የሱስ አ፥ "ደንዳ ኤቃ፤ ኔን ግሶዋ ቶካደ ባ" ያጌዳ። 9 ብታኒ ኤለካ ፓጽ አጌዳ፤ ባረ ግሱዋ ቶኪደ ቤዳ።

ሄዌ ሀኔዳዌ ሳምባታ ጋላሳና።