Mateus 1

የሱስ ክርስቶሳ የለታ ማራ

1 ሀዌ ዳዊታ ዛርያነ አብራሃመ ዛረ ግዴዳ የሱስ ክርስቶሳ የለታ ኦድያ ማጻፋ።

2 አብራሃመ፥ ይሳቃ የሌዳ፤ ይሳቅ፥ ያቆባ የሌዳ፤ ያቆብ፥ ይሁዳነ አ እሻቱዋ የሌዳ። 3 ይሁዳይ ትእማርፐ ፓሬሳነ ዛራሀ የሌዳ፤ ፓሬሰ፥ ሄጽሮና የሌዳ፤ ሄጽሮነ፥ ራማ የሌዳ። 4 ራመ አምናዳባ የሌዳ፤ አምናዳበ፥ ናአሶና የሌዳ፤ ናአሶነ፥ ሰልሞና የሌዳ። 5 ሰልሞነ፥ ራኣቦ ጌተትያ ምሽራትፐ ቦኤዛ የሌዳ፤ ቦኤዝ፥ ኡሩቶ✝1:5 ኡሩቶ 4:18-22፤ 1 ኦዱዋ 2:13-15 ጌተትያ ምሽራትፐ እዮቤዳ የሌዳ፤ እዮቤደ፥ እሰይ የሌዳ። 6 እሰይ ካትያ ዳዊታ የሌዳ።

ካትያ ዳዊተ፥ ኦርያ ማቻትፐ ሶሎሞና የሌዳ። 7 ሶሎሞነ፥ ሮብኣማ የሌዳ፤ ሮብኣመ፥ አብያ የሌዳ፤ አቢ፥ አሳፋ የሌዳ። 8 አሳፈ፥ ዮሳፌጻ የሌዳ፤ ዮሳፌጸ፥ እዮራማ የሌዳ፤ እዮራመ፥ ኦዝያና የሌዳ። 9 ኦዝያነ፥ እዮኣታማ የሌዳ፤ እዮኣታመ፥ አካዛ የሌዳ፤ አካዝ፥ ህዝቂያሳ የሌዳ። 10 ህዝቂያሰ ምናሳ የሌዳ፤ ምናሰ፥ አሞጻ የሌዳ፤ አሞጸ፥ እዮስያሳ የሌዳ። 11 እስራኤልያ አሳይ ኦሞደቲደ፥ ባብሎነ ጋድያ ቤዳ ዎደ፥ እዮስያሰ እኮንያናነ*1:11 ሄዋ ጉሳይ፥ ዮኣክና ግያዋ፤ ቃይ ፓይዱዋ 12 ደእያዎካ ብለይ እቱዋ። አ እሻቱዋ የሌዳ።✝1:11 2 ካታ. 24:14-15፤ 2 ኦዱዋ 36:10፤ ኤር. 27:20

12 ባብሎነ ኦሞዱዋፐ ጉይያን፥ እኮንያናነ ሳላትያላ የሌዳ፤ ሳላትያለ፥ ዘሩባቤላ የሌዳ። 13 ዘሩባቤል፥ አብዩዳ የሌዳ፤ አብዩደ፥ ኤልያቄማ የሌዳ፤ ኤልያቄም፥ አዞራ የሌዳ። 14 አዞረ ሳዶቃ የሌዳ፤ ሳዶቀ፥ አኪማ የሌዳ፤ አኪመ ኤልዩዳ የሌዳ። 15 ኤልዩደ፥ አልኣዛራ የሌዳ፤ አልኣዛረ፥ ማታና የሌዳ፤ ማታነ፥ ያቆባ የሌዳ። 16 ያቆብ፥ ክርስቶሳ ጌተትያ የሱሳ የሌዳ ማይራሞ ኦቼዳ ዮሴፋ የሌዳ።

17 ስም የለታይ ኡባይ አብራሃሞፐ ዳዊታ ጋካናዉ ታማነ ኦይዱ የለታ፤ ዳዊተፐ ዶሚደ፥ አሳይ ባብሎነ ጋድያ ኦሞደቲደ ቤዳ ዎድያ ጋካናዉ ታማነ ኦይዱ የለታ፤ አሳይ ባብሎነ ጋድያ ኦሞደቲደ ቤዳ ዎድያፐ ክርስቶስ*1:17 ክርስቶሳ፥ ግያዌ ግሪከ ቃላና ግዶደ፥ መስህ ጉሳይ እብራይስጸ ቃላና ግዲደ ላኡዋ ብለይካ "ኦከቴዳዋ" ጉሳ። የለቴዳ ዎድያ ጋካናዉ ታማነ ኦይዱ የለታ።

የሱስ ክርስቶሳ የለታ

18 የሱስ ክርስቶሳ የለታይ ሀዋ ማላ፤ አ ዳያ ማይራማ ዮሴፎ ኦሸታ ቃሸታ ኡታዱ። ሄ ዎደ ዮሴፎና ጋከተናን ደኣደ፥ ጌሻ አያናን ሻሃራዱ። 19 እዞ ጊግስ ዎዳ ዮሴፎ ጽሎ አሳ*1:19 ዮሴፎ ጽሎ አሳ ግያ ቆፋዉ ሄዙ ኦግያን ብለይ እመታና ዳንዳዬ: 1. ጾሳባዉ ኡባዉ ኤኖ ጊደ አዛዘትያ አሳ፤ አማልያ ሎኦ አሳ። 2. ጋራ (ቃረታንቻ)። 3. ሎኡዋ። ሄዋ ጉሳይ፥ ኡባ ካላ ሎኦባ ኦያ አሳ ጉሳ። ግዴዳ ድራዉ፥ እዞ ካዉሻናዉ ኮይቤና፤ ኢባ ቆንጭሰናን እዞ አጋናዉ ቆፔዳ። 20 ሽን እ ሄዋ ቆፕሽን፥ ጎዳ ኪታንቻይ አኩሙዋን*1:20 አኩሙዋን ጉሳይ፥ ጮካ ጎኤና አኩሙዋ ግደናዳን አይሁዳቱዋ አኩሙዋ ጉሳይ፥ ጾሳይ ልከ ቆንጭያ ኦግያ። አናና ጋከቲደ፥ "ዳዊተ ናኣ ዮሴፎ፥ ማይራማ ጌሻ አያናን ሻሃሬዳ ድራዉ*1:20 ጌሻ አያናን ሻሃሬዳ ድራዉ፥ ጉሳይ እዛ ሀዋ ጋካናሽን የለታናዳን ናግያ ናአይ፥ ጾሳ ጌሻ አያናፐ ዬ ጉሳ። እዞ አካናዉ ያዮፓ። 21 እዛ አቱማ ናኣ የላናዉኑ፤ ኔንካ፥ እ አሳ ናጋራፐ አሽያ ድራዉ አ ሱን የሱሳ ጋደ ጼሳናሳ" ያጌዳ።✝1:21 ሉቃሳ 1:31

22,23 ቃይ ጎዳይ ናብያ ባጋና፥ "ወዶራታ ሻሃራናዉኑ፤ ናኣካ የላናዉኑ፤ አ ሱንይካ አማኔላ ጌተታናዋ" ያጌዳዌ ፖለታና ማላ፥ ሀዌ ኡባይ ሃኔዳ፤ "አማኔላ" ያግያዌ፥ "ጾሳይ ኑናና ደኤ" ያግያዋ።✝1:22-23 ኢሳ. 7:14

24 ዮሴፎ ገምእሹዋፐ ቤጎቲደ፥ ጎዳ ኪታንቻይ ባረና አዛዞዋዳን፥ ማይራሞ ባረ ጎለ አፌዳ። 25 ሽን ናአይ የለታና ጋካናዉ ዮሴፎ እዝኮ ሺቅቤና፤ ቃይ ናኣካ የሱሳ ጊደ ሱንዳ።✝1:25 ሉቃሳ 2:21