ኡባፐ አያዌ ኦኔ?
1 አ ካልያዋንቱ የሱሳኮ ሄ ዎደ ዪደ፥ "ሳሉዋ ካዉተን ኡባፐ አያዌ ኦኔ?" ያጌድኖ።
2 የሱስ እት ጉ ናኣ ጼስ ኡንቱንቱ ግዶን ኤሲደ፥ ሀዋዳን ያጌዳ፤ 3 "ታን ህንተንቶ ቱሙዋ ኦዳይ፤ ጾሳኮ ህንተንቱ ስሚደ፥ ጉ ናናዳን ሀናና ዮፐ፥ ሳሉዋ ካዉተ ኡባካ ገላናዉ ዳንዳይክታ። 4 ስም ሀ ጉ ናኣዳን፥ ባረና ካዉሽያ ኦንነ ሳሉዋ ካዉተን ኡባፐ አያዋ። 5 ቃይ ሀዋ ማላ ናኣ ታ ሱንን ሞክያ ኦንነ ታና ሞኬ። 6 ሽን ታና አማንያ ሀ ጉ ናናፐ እቱዋ ባለያ ኦንነ፥ ጋጭያ ዎጋ ዎጻ ባረ ቆያን ቃቺደ፥ አባ ጪሙዋን ምተትያዌ አዉ ሎአ።
ቦ ጋሶ ግድያዋ
(ማር. 9:42-48፤ ሉቃሳ 17:1-2)
10 "ህንተንቱ ሀ ጉቱዋፐ እቱዋነ ካና ማላ፥ ህንተንታ ናግተ፤ አያዉ ጎፐ፥ ታን ህንተንቶ ኦዳይ፤ ሳሉዋን ኡንቱንቱ ኪታንቻቱ ኡባ ዎደ፥ ሳሉዋን ደእያ ታ አቡ ስንን ደኢኖ።