15 "ነ እሻይ ኔና ናቆፐ፥ ኔረካ አኮ ባደ፥ አ ናቁዋ አዉ ኦዳ፤ እ ነዋ ስሶፐ፥ ነ እሻ ባላፐ ዛራዳ። 16 ሽን እ ነዋ ስሰናን እጾፐ፥ ላኡ ዎይ ሄዙ ማርካይ ማርካቶዋን የዉ ኡባይ ቱማትያ ድራዉ፥ ሀራ እት ዎይ ላኡ አሳ ኔናና እትፐ አፋ። 17 እ ኡንቱንቱባ ስሰናን እጾፐ፥ ኡባባ አማንያ አሳዉ ኦዳ፤ ቃይ አማንያ አሳይ ግያዋካ እ ስሰናን እጾፐ፥ አማነና አሳዳንነ ቃራጻ ሺሽያ አሳዳን አ ፓይዳ።

18 "ታን ህንተንቶ ቱሙዋ ጋይ፤ ኔን ሳኣን ሀኖ ጎዌ ኡባይ ሳሉዋን ጾሳ ስንን ሀናና፤ ሽን ኔን ሳኣን ሀኖፖ ጌዳዌ ሳሉዋንካ ሀነና።

19 "ቃይካ ታን ህንተንቶ ኦዳይ፤ ህንተፐ ላኡ ኡራይ ሳኣን ጾሳ ዎስያዋን አይ የዉዋንነ እት ዎዛና ግዶፐ፥ ሳሉዋን ደእያ ታ አቡ ሄዋ ህንተንቶ እማና። 20 አያዉ ጎፐ፥ ላኡ ኡራይ ዎይ ሄዙ ኡራይ ታ ሱንን ሺቅያሳን፥ ታን ሄዋን ኡንቱንቱ ግዱዋን ደአይ" ያጌዳ።