ዶላሃ ባጋፐ ዬዳ ጾልንትያ ፓይድያ አሳቱዋ
1 የሱስ ይሁዳ ጋድያን ቤተሌመ ጌተትያ ካታማን ሄሮድሰ ካዉቲደ ደእያ ዎደ የለቴዳ፤ ሄዋፐ ጉይያን፥ ጾልንትያ ፓይድያ አሳይ2:1 ጾልንትያ ፓይድያ አሳ ጉሳይ፥ ኤረቴዳ ማራ ብለን ኤራንቻ አሳቱዋ ጉሳ። አዋይፊ ዶልያ ባጋፐ የሩሳላመ ዪደ፥ 2 "አይሁዳ ካትያ ግዳናዉ የለቴዳ ናአይ ሀቃን ደኢ? ኑን አዋይፊ ዶልያ ባጋና ከሴዳ አ ጾልንትያ በኢደ፥ አዉ ጎይናናዉ ዬዶ" ያጊደ ኦቼድኖ።
3 ካትያ ሄሮድሰ፥ ሄዋ ስሲደ ዳጋሜዳ፤ የሩሳላመን ደእያ አሳይ ኡባይካ ዎዛና ባዬድኖ። 4 ሄሮድሰ ቄሳቱዋ ካፓቱዋ ኡባቱዋነ ሙሴ ህግያ ታማርስያዋንታ ጼሲደ፥ "ክርስቶስ ሀቃን የለታንዴሻ?" ያጊደ ኦቼዳ።
5,6 ኡንቱንቱ ዛሪደ፥ "ይሁዳ ጋድያን ቤተሌመ ካታማን የለታናዋ። ናቢ፥
" ‘ይሁዳ ጋድያን ደእያ ቤተሌመ፥
ኔን ይሁዳ ጋድያን ደእያ ዎልቃማ ካታማቱዋፐ ላፋካ።
እስራኤልያ ሞድያዌ ኔፐ ከሳናዋ’
ጊደ ጻፌዳ" ያጌድኖ።2:5-6 ሚክ. 5:2
ግብጼ በቱሳ
13 ኡንቱንቱ ቤዳዋፐ ጉይያን፥ ጎዳ ኪታንቻይ አኩሙዋን ዮሴፎ ቤቲደ፥ "ሄሮድሰ ናኣ ዎናዉ ኮይያ ድራዉ፥ ደንዳደ ናኣነ አ ዳዮ አካደ ግብጼ ጋድያ በታ፤ ታን ነዉ ኦዳና ጋካናዉ፥ ያን ደአሻ" ያጌዳ።
14,15 ዮሴፎ ቃማ ደንዲደ፥ ናኣነ አ ዳዮ አኪደ፥ ግብጼ ጋድያ ቤዳ፤ ጎዳይ ናብያ ባጋና፥ "ታን ታ ናኣ ግብጼ ጋድያፐ ጼሳድ" ያጌዳዌ ፖለታና ማላ፥ ሄሮድሰ ሀይቃና ጋካናዉ እ ያን ደኤዳ።2:14-15 ሆሰ 11:1
ሄሮድሰ ቄር ናና ዎሴዳ
16 ሄዋፐ ጉይያን፥ ሄሮድሰ አዋይፊ ዶልያ ባጋፐ ዬዳዋንቱ ባረና ጭሜዳዋ ኤሬዳ ዎደ፥ ዳሮ ሀንቀቲደ፥ ጾልንቲ ካሰ ቤቴዳ ዎድያ ኡንቱንቱፐ ስሴዳዋዳን፥ ዎታዳራቱዋ የዲደ፥ ቤተሌመንነ ዩሹዋን ደእያ ላኡ ላይ አቱማ ናናነ ላኡ ላይፐ ጋርሳና ደእያ አቱማ ናና ኡባ ዎሴዳ።
17,18 ናብያ ኤርማስ፥
"ዬኩነ ዝላሳይ ራማ ጌተትያ ካታማን ስሰቴዳ፤
ራሄላ ባረ ናናዉ ዬካዉ።
ኡንቱንቱ ሀይቂድጎ ድራዉ፥
አጋ ጊና፥ አገናን እጻዱ"
ጊደ ኦዴዳዌ ፖለቴዳ።2:17-18 ኤር. 31:15
ግብጼፐ ስማ
19 ሄሮድሰ ሀይቄዳዋፐ ጉይያን፥ ጎዳ ኪታንቻይ ግብጼን ዮሴፎ አኩሙዋን ቤቲደ 20 አ፥ "ደንዳ፤ ናኣነ አ ዳዮ አካደ፥ እስራኤልያ ጋድያ ስማ። ናኣ ዎናዉ ኮይያዋንቱ ሀይቂ ድጌድኖ" ያጌዳ። 21 ዮሴፎ ደንዲደ፥ ናኣነ አ ዳዮ አኪደ፥ እስራኤልያ ስሜዳ።
22 ሽን ዮሴፎ አርከላዎስ ባረ አዉዋ ሄሮድሳ ኦይድያን ይሁዳ ጋድያን ካዉቴዳዋ ስሴዳ ዎደ፥ ያ ባናዉ ያዬዳ፤ ጾሳይ አዉ አኩሙዋን ህንተና ኤርተ ጊና፥ ጋሊላ ጋድያ ቤዳ። 23 ናባቱ፥ "አሳይ አ፥ ‘ናዝሬትያ አሳ’2:23 ሀዋ ጌዳዌ ኦነንቶ ኤረተና። ጊደ ጼሳና" ያጌዳዌ ፖለታና ማላ፥ ናዝሬተ ጌተትያ ካታማ ቢደ ደኤዳ።2:23 ማር. 1:24፤ ሉቃሳ 2:39፤ ዮሃ. 1:45