ጻማቅያ ዮሃንስ ቃላ ኦዴዳ
(ማር. 1:1-8፤ ሉቃሳ 3:1-18፤ ዮሃ. 1:19-28)
1,2 ሄ ዎደ ጻማቅያ ዮሃንስ አሳ፥ "ሳሉዋ ካዉተይ ማታቴዳ ድራዉ፥ ህንተ ናጋራፐ ስምተ" ያጊደ፥ ይሁዳ መላ ቢታን ኦዲደ ዬዳ።3:1-2 ማቶሳ 4:17፤ ማር. 1:15 3 አያዉ ጎፐ፥ ናብያ ኢስያሰ፥ ዮሃንሳባ ኦዲደ፥
"እቱ መላ ቢታን ባረ ቃላ ቁ ኦደ፥
‘ጎዳ ኦግያ ጊግስተ።
እ ሄመታና ሎሱዋካ
አዉ ስት ኦተ’ ጌዳ"
ያጌዳ።3:3 ኢሳ. 40:3
4 ዮሃንሳዉ ጋሉዋ እስክያ ዳደቴዳ ማዩ ደኤ፤ ቃይ ባረ ጼሳን ዳፉዋ ዳንጬዳ፤ እ ምያ ቁማይካ ቦልያነ ባዙዋ ኤሳ።3:4 1 ካታ. 1:8 5 አሳይ ሄ ዎደ የሩሳላመፐ፥ ይሁዳ ጋድያ ኡባ ሳፐነ ዮርዳኖሳ ሻፋ ሄራን ደእያ ጋድያ ኡባፐ አኮ ዪኖ። 6 ባረንቱ ናጋራ ፓጽና፥ ዮርዳኖሳ ሻፋን አሳ ጻማቄዳ።
7 ሽን ዮሃንስ ዳሮ ፓርሳዋቱነ3:7 ፓርሳዋቱዋ፦ ጉሳይ አይሁዳ አሳቱዋ ካለያ አሳቱዋ ግዶፐ ግዲደ ጌሻ ቃላን ካሰ ኤጫ ጫቁዋ ግዶን ደእያ ቃላ ዎጋ ኡባን አማንያዋንታ። ሳዱቃዋናቱ3:7 ሳዱቃዋናቱዋ፦ ጉሳይ አይሁዳ አሳቱዋ ካለያ አሳቱዋ ግዶፐ ግዲደ ጌሻ ቃላን ካሰ ኤጫ ጫቁዋ ግዶን ደእያ ቃላ ዎጋፐ ሙሴ ጻፌዳ ኮይሮ እቼሹ ማጻፋቱዋ ግዶን ደእያ ዎጋቱዋ ጻላላን አማንያዋንታ። ጻማቀታናዉ ባረኮ ይያዋንታ በኢደ፥ "ሀ ሾሻቶ፥ ጾሳ ሀንቁ ያና ሀንያዋፐ አታና ማላ፥ ህንተዉ ኦኔ ኦዴዳዌ? 8 ስም ህንተ፥ ህንተንቱ ናጋራፐ ስሜዳዋ ኤርስያ ኦሱዋ፥ ኦተ። 9 ህንተ ህንተንቱ ዎዛናን፥ ‘አብራሃመ ኑ አባ’ ጊደ ቆፕያዋ ህንተዉ ማላቶፖ። አያዉ ጎፐ፥ ታን ህንተንቶ ኦዳይ፤ ጾሳይ ሀ ሹቻቱዋፐ አብራሃሞ ናና ኦ ደንናዉ ዳንዳዬ። 10 ቤጽ ም ጻጱዋን ቃንጻናዉ ጊግ ኡቴዳ፤ ሎኦ አይፍያ አይፈና ም ኡባይ ቃንጸቲደ፥ ታማን የገታና።
11 "ህንተ ህንተንቱ ናጋራፐ ስምያዋ በሳናዉ፥ ታን ህንተና ሃን ጻማቃይ፤ ሽን ታፐ ጉየና ይያዌ፥ ህንተንታ ጌሻ አያናንነ ታማን ጻማቃና።3:11 ጌሻ አያናንነ ታማን ጻማቃና፥ ጉሳይ የሱስ ዪደ አሳ ጋርሳ አያና አሳተ ላምያዋ ታማርስያዋ። እ ታፐ ዳሮ ምኔ፤ አ ጫማ ቶካናዉካ ታን በስያ አሳ ግድከ። 12 አ ኩሽያን ካ ሰጽያ ላይዳይ ደኤ። ኡዱማን ደእያ ካ ሎይ ጌሼ፤ ባረ ዛርጋ ድይያን ቆላና፤ ሽን ዳላ ቶኤና ታማን ጉዳና" ያጌዳ።
የሱስ ጻማቀቴዳ
(ማር. 1:9-11፤ ሉቃሳ 3:21-22)
13 የሱስ ሄ ዎደ ዮሃንሳን ጻማቀታናዉ፥ ጋሊላፐ ዮርዳኖሳ ጌተትያ ሻፋ አኮ ቤዳ። 14 ሽን ዮሃንስ፥ "ታን ኔናን ጻማቀታናዉ በስያ ዎደ፥ ኔን ታኮ ያይ?" ያጊደ፥ አ ድጋናዉ ኮዬዳ።
15 ሽን የሱስ ዛሪደ አ፥ "ኑን ጽሎተ ኦሱዋ ኡባ ሀዋዳን ፖላናዉ በስያ ድራዉ፥ ሀእ ታዉ ኤኖ ጋ" ያጌዳ። ዮሃንስካ አዉ ኤኖ ጌዳ።
16 የሱስ ጻማቀቶዋፐ ጉይያን፥ ኤለካ ሃፐ ከሴዳ፤ ሳሉ ዶየትና፥ ጾሳ አያናይ ሀራጵያዳን ሳሉዋፐ ዎደ ባረ ቦላ ይያ ዎደ በኤዳ፤ 17 ቃይ ሳሉዋፐ፥ "ታን ሲቅያ፥ ታና ናሸችያ፥ ታ ናአይ ሀዋ" ያግያ ቃላይ ዬዳ።3:17 ዶመ 22:2፤ ማዝ. 2:7፤ ኢሳ. 42:1፤ ማቶሳ 12:18፤ 17:5፤ ማር. 1:11፤ ሉቃሳ 9:35