Mateus 6

25 "ሄዋ ድራዉ፥ ታን ህንተንቶ ኦዳይ፤ ህንተ ደኦ ማናባዉነ ኡሻናባዉ፥ ዎይ ህንተ ቦላዉ ማያናባዉ ህርጎፕተ፤ ሸምፑ ቁማፐ አኔ? ቃይ ቦላይ ማዩዋፐ አኔ? 26 ፓልያ ካፋቱዋ ጼልተ፤ ኡንቱንቱ ዘርክኖ፤ ጫክክኖ፤ ድይያንካ ቆልክኖ፤ ሽን ሳሉዋን ደእያ ህንተንቱ አዉ ኡንቱንታ ምዜ፤ ህንተንቱ ኡንቱንቱፐ ሎይ ዳርክቴ? 27 ህንተንቱ ግዶን ዳርስ ህርጊደ፥ ባረ ጌሳ ቦላ እት ዋ ጉጃናዉ ዳንዳይያዌ ኦኔ?

28 "አያዉ ማዮ ህርጊቴ? ደምባን ደእያ ጪሻቱ ዎት ድጪኖንቶ፥ አኬክ ጼልተ፤ ኡንቱንቱ ዳቡርክኖ ዎይ ፑቱዋ ሱቂክኖ።✝6:28 1 ካታ. 10:4-7፤ 2 ኦዱዋ 9:3-6 29 ሽን ታን ህንተንቶ ኦዳይ፤ ሀራይ አቶ፥ ሶሎሞነ ሄዋ ኬና ቦንቼቴዳዋ ግዲደ፥ ሄ ጪሻቱዋፐ እቱዋ ማላካ ማይቤና። 30 ሽን ላፋ አማኑ ደእያዋንቶ፥ ጾሳይ፥ ሀቼ ደኢደ፥ ዎንት ታማን ኤጽያ ደምባ ማታ ማይዝያዌ፥ ህንተና ኡንቱዋፐ አደ ዎት ማይዘኔ? 31 ስም፥ ‘ኑን አያ ማኔ? ዎይ አያ ኡሻኔ? ዎይ አያ ማያኔ?’ ያጊደ ህርጎፕተ። 32 አያዉ ጎፐ፥ ሄ ኡባባ ጾሳ አማነናዋንቱ ዳርሲደ ኮዪኖ፤ ሄ ኡባይ ህንተና ኮሽያዋ ሳሉዋን ደእያ ህንተንቱ አዉ ኤሬ። 33 ሽን ካሰቲደ፥ ጾሳ ካዉተነ አ ጽሎተ ኮይተ፤ እ ህንተንቶ ሄ ኡባባ እማና። 34 ሄዋ ድራዉ፥ ዎንትባዉ ህርጎፕተ፤ አያዉ ጎፐ፥ ዎንት ጋላሳይ ባረዉ ህርጋና፤ ጋላሳ ኡባዉካ አ ሁጰዉ ግድያ ዋዪ ደኤ።