5 "ጾሳ ዎሲደ፥ ሎአ ማላትያ ኢታቱዋዳን ሀኖፕተ፤ አያዉ ጎፐ፥ ባረንታ አሳይ በአና ማላ፥ አይሁዳ ዎሳ ጎለንነ ኦግያ ዶናን ኤቂደ፥ ጾሳ ዎስያዋ ዶሲኖ፤ ታን ህንተዉ ቱሙዋ ኦዳይ፤ ኡንቱንቱ ባረንቱ ጋትያ ኡባካ አኬድኖ። 6 ሽን ኔን ጾሳ ዎስያ ዎደ፥ ነ ጎለ ገላ፤ እፍ ቃቻደ፥ ቤተና ነ አዉዋ ዎሳ፤ ጌማን ኦሰቶዋ በእያ ነ አቡ ነዉ እማናዋ።
7 "ጾሳ ህንተ ዎስያ ዎደ፥ ጾሳ አማነና አሳዳን፥ ጮ መላ ዛረዋ ዳርሶፕተ፤ ኡንቱንቱ ሃሳያ ዳሩዋን ስሰቴ ጊደ ቆፒኖ። 8 ሄዋ ድራዉ፥ ሄ አሳዳን ሀኖፕተ፤ አያዉ ጎፐ፥ ህንተ አቡ ህንተና ኮሽያዋ ህንተንቱ ዎሳናፐ ካሰቲደ ኤሬ።
9 "ስም ህንተንቱ ሀዋ ማላ ዎሳ ዎስተ፤
" ‘ሳሉዋን ደእያ ኑ አቦ፥
ነ ጌሻ ሱንይ አንጀቶ።
10 ነ ካዉተይ ዮ፤
ነ ሸኒ ሳሉዋን ሀኔዳዋዳን፥
ሳንካ ሀኖ።
11 ጋላሳን ጋላሳን ኮሽያ ቁማ
ኑዉ ሀቼ እማ።
12 ኑን ኑና ናቆዋንቶ
አቶ ያግያዋዳን፥
ኔንካ ኑ ናቁዋ አቶ ጋ።
13 ኑና ኢታባፐ አሻፐ አትን፥
ፓጭያን ገልሶፓ።
ካዉተይ፥ ዎልቃይነ ቦንቹ
መናዉካ ኔሳ።
አመንእ።’
14 "ህንተንቱ ህንተና ናቄዳ ሀራ አሳ ናቁዋ አቶ ጎፐ፥ ሳሉዋን ደእያ ህንተንቱ አዉካ ህንተዉ አቶ ጋና።
15 "ሽን ህንተንቱ ህንተና ናቄዳ ሀራ አሳ ናቁዋ አቶ ጋና ዮፐ፥ ህንተንቱ አዉካ ህንተ ናቁዋ አቶ ጌና።6:15 ማር. 11:25-26