ሀ አላምያ ኢታተ ዶሰናን አጋናዋ
1 ኦላይነ ዋላሳይ ህንተ ግዱዋ ሀቃፐ ዪ? ኡንቱንቱ ዬዳሳይ ህንተ ቦላ ግዶን ኦለትያ ህንተ ናሸታናዉ ዎልቃማ አሙዋ አሞትያዋፐ ግደኔ? 2 ህንተ አሞቲታ፤ ሽን ደምክታ፤ ዎታ። ሎይ ኮዪታ፤ ሽን ደማናዉ ዳንዳይክታ፤ ዋላቀቲታነ ኦለቲታ። ሽን ጾሳ ዎሰና ድራዉ፥ ህንተ ኮይያዋ ደምክታ። 3 ጾሳ ዎሲታ፥ ሽን ደምክታ፤ ጋሱካ ባላ ኦግያን ዎሲታ። ሄዋ ህንተና ናሸችያዋን ፔሻናዉ ኮይያ ድራሳ። 4 ስም ዎሹምያዋንቶ፥ ሀ አላምያና ዳቦትያዌ ጾሳዉ ሞርከ ግድያዋ ኤርክቴ? አያዉ ጎፐ፥ ሀ አላምያና ዳቦታናዉ ኮይያዌ ኦንነ ጾሳና ሞርከቴ። 6 ሽን ጾሳይ አ ኬካተ አደ እሜ። ሄዋ ድራዉ፥ ጾሳ ማጻፋይ፥ "ጾሳይ ኦቶረትያዋንታ እጼ፤ ሽን ባረና ካዉሽያዋንቶ አ ኬካተ እሜ" ያጌ።4:6 ሌም. 3:34
7 ስም፥ ህንተ ጾሳዉ ሞደትተ። ያቲደ ጻላህያና ኤቀትተ፤ እ ህንተፐ ባቃታና። 8 ጾሳኮ ሺቅተ፤ እካ ህንተኮ ሺቃና። ህንተኖ ናጋራንቻቶ፥ ህንተ ኩሽያ ሜጨትተ። ላኡ ቆፋይ ደእያዋንቶ፥ ህንተ ዎዛና ጌሽተ። 9 ቱጋትተ፤ ካዮትተነ ዬክተ። ህንተ ሚቻ ዬኮ ላምተ፤ ህንተ ናሸቻካ ካዮ ላምተ። 10 ጎዳ ስንን ህንተ ሁጲያ ቶችተ፤ ቃይ እ ህንተና ቁ ቁ ኦና።