1 P'es'iroosa Kiitaa 5

S’oossaa Asaa Ayissanaw Imetteedda Zoriyaa

1 Simmi taani woosa golliyaa c’imatuwaanna c’ima gidiyaawenne, Kiristtoosa waayiyaa markkattiyaawe, k’ay k’onc’c’ana bonchchuwaa shaakkanawe hintte giddon de’iyaa c’imatuwaa zoray. 2 Hintte giddon de’iyaa S’oossaa wudiyaa S’oossay koyyiyaawaadan heemmite. Dosuwaanappe attin, wolk’k’an gidenna. K’ay hintte go"a s’alalaa s’eellennan, lo"o k’ofaan heemmite. 3 Wudew hintte leemisuwaa giditeppe attin, hintte heemmiyaawantta wolk’k’aan heemmoppite.