2 Pedro 3

3 Wodiyaa wurssetsaan, asaa toochchiyaa barenttu amuwaadan de’iyaawanttu asaa toochchiidde denddanawaa ubbaappe kasetiide erite. 4 Unttunttu, «I ‹Yaana› yaageedda. Gibeennee? Yaatina hak’an de’ii? Ayaw gooppe, nu aawotuu hayk’k’i diggeeddino; shin ubbabaykka sa’ay med’ettoodeppe doommiide de’iyaawaadankka de’ee» yaagana. 5 Daro wodiyaappe kase S’oossay haasayina, saluunne sa’ay med’etteeddawaa eriide, unttunttu akeekenaan is’s’eeddino. Sa’ay haatsaappenne haatsaan med’etteedda.✝3:5 Dom. 1:6-9 6 K’ay hewaa gaasuwaan, he wode de’iyaa sa’ay he haatsaan mitetti d’ayeedda.✝3:6 Dom. 7:11 7 Shin ha"i de’iyaa saluunne sa’ay, S’oossaw goyinnenna asatuu pirddettiyaa gallassaynne d’ayiyaa gallassay gakkanaw takkiide, he k’aalaan tamaa naagiino.