Yohaannisa Sas'aa 19

Bootsa Paraa Toggeeddawaa

11 Yaatina, saluu dooyetteeddawaa taani be’aaddi. Hewan bootsa paray de’ee; he paraa toggeeddawe ammanettiyaawaanne tumanchchaa giide s’eesettee. Toggeeddawe s’illotetsaan pirddeenne bare olaakka olettee.✝19:11 Hiz. 1:1; Maz. 96:13; Isa. 11:4 12 Aa ayfii tamaa lac’uwaa malatee; k’ay I bare huup’iyaan daro kalachchaa wotseedda. Aa bolla s’aafetti utteedda suntsay de’ee; shin he suntsay ayenttonne aappe attin, ooninne erenna.✝19:12 Dan. 10:6 13 I mayyeedda mayuu suutsan naak’k’i kesseeddawaa. Aa suntsaykka S’oossaa K’aalaa. 14 Saluwaa wotaadaratuu bootsa geeshsha suufiyaa geetettiyaa kiriyaan dadetteedda mayuwaa mayyiide, bootsa paratuwaa toggiide, Aa geeduwaa kaalliino. 15 Asaa zeretsaa I d’ayissiyaa kuussa mashshay Aa doonaappe kesee. Birataa s’am"aan asaa I mooddana. Ubbaappe Wolk’k’aama S’oossay bare hank’k’uwaa woyniyaa eessay gumi"ettiyaasan, gumi"iide bessana.✝19:15 Maz. 2:9; Isa. 63:3; Iyu. 3:13; Sas'. 14:20 16 Aa mayuwaa bollanne Aa wodiriyaa bolla, «Kaatatuwaa Kaatiyaanne godatuwaa Godaa» yaagiyaa suntsay s’aafetti utteedda.