Yohaannisa Sas'aa 20

Wurssetsa Pirddaa

11 Hewaappe guyyiyaan, taani wolk’k’aama bootsa araataanne he araataan utteeddawaa be’aaddi. Sa’aynne saluu Aa sintsappe bak’ateeddino; laa’entso beettibeykkino.✝20:11-12 Dan. 7:9-10 12 Hayk’k’eeddawanttu, d’ok’k’u giyaawanttunne guutsatuu araataa sintsan ek’k’eeddawantta taani be’aaddi. Mas’aafatuu dooyetteeddino; hara mas’aafay, de’uwaa mas’aafaykka dooyetteedda. Hayk’k’eeddawanttu barenttu oosuwaadan, mas’aafatuwan s’aafetti utteeddawaadankka pirddetteeddino. 13 Abbay bare giddon de’iyaa hayk’k’eeddawantta immeedda; hayk’uunne Si’oolii barenttu giddon de’iyaa hayk’k’eeddawantta immeeddino. Ubbaykka barenttu oosuwaadan pirddetteeddino. 14 Hewaappe guyyiyaan, hayuunne Si’oolii tamaa abbaan yegetteeddino. He tamaa abbay laa’entso hayk’uwaa. 15 De’uwaa mas’aafan bare suntsay s’aafettibeenna Asay ooninne tamaa abban yegetteedda.