Med’inaw De’iyaawaappe K’onc’c’eedda Sas’aa
9 «Taani hewaa s’eellishin, kaatetuwaa araatatuu utetsaw giigeeddino. Med’inaappe De’iyaawe bare araatan utteedda. Aa mayuu shachchaadan, Aa huup’iyaa binnaanaykka puuttuwaadan bootsa. Aa araataynne araataa yinggiretsatuu tamaadan lac’ottiino.7:9 Sas'. 20:4; 1:14 10 Tamaa shaafay Aa sintsaappe pulttiide kesee. Sha"a gede sha"atuu aw ootsiino; k’ay daro miiloonetuu Aa sintsan ek’k’eeddino. Yaati de’ishin pirddaa pirddiyaawe doometteedda; mas’aafatuukka dooyetteeddino.7:10 Sas'. 5:11; 20:12
11 «Ha guutsaa kac’ii haasayiyaa otoro k’aalay taw sisettiyaa diraw, taani ha"ikka d’iishisaade s’eellaad. Taani s’eelishin ha do’ay hayk’k’iide, ees’s’iyaa taman oletiide d’ayeedda.