Efésios 3

16,17 S’oossay bare bonchchuwaa daruwaadan, bare Geeshsha Ayyaanan, hinttenttoo hintte garssa asatetsan hintte minniyaa wolk’k’aa immanaadaaninne, k’ay ammanuwaa baggana Kiristtoosi hintte wozanaa bare golliyaa med’d’anaadan, taani S’oossaa woossay; k’aykka hintte s’ap’uwaa yeddiide, tokettiide siik’uwaan minnanaadan, S’oossaa woossay. 18 K’ay geeshshatuwaa ubbaanna Kiristtoosa siik’uu ay keenaa aakentto, adussentto, d’ok’k’enttonne c’iimmentto*3:18 Aakentto, adussentto, d’ok’k’enttonne c’iimmentto: Hawe bessiyaawe saluwaan de’iyaa Yerusaalamo woy S’oossaa siik’uwaa woy S’oossaa aad’d’o eraa woy Yesuusa mask’k’aliyaw de’iyaa biletsaa. eriyaa wolk’k’aa hinttenttu demmanaadan, taani S’oossaa woossay. 19 Eratetsaappe aad’d’iyaa Kiristtoosa siik’uwaa hintte eranaadaaninne k’ay S’oossawaa gidiyaa ubbabaan hintte poli kumanaadan, taani S’oossaa woossay.