Efesoona 6

13 Hewaa diraw, iita gallassaan*6:13 Iita gallassaan: Ha"i de’iyaa wodiyaa woy hayk’uwaa gallassaa woy wurssetsaa pirddaa woy mura gallassaa giyaawaa. te"anawunne k’ay wurssetsay gakkanaw wad’ettowaappe guyyiyaan, min ek’k’anaw hintte danddayana mala, S’oossaa olaa miishshaa ubbaa oyk’k’ite. 14,15 Hewaa diraw, s’eessan sak’k’iyaa danc’c’iyaawaadan tumatetsaa danc’c’iide, tiraan wotsiyaa olaa miishshaadan s’illotetsaa mayyiide, hintte gediyaan c’aammaa wotsiyaawaadan sarotetsaa mishiraachchuwaa k’aalaa odanaw giigiide, min ek’k’ite.✝6:14-15 Isa. 52:7 16 He ubbaappe aatsiide, s’alahii yeddiyaa wonddaafiyaa tamaa ubbaa toyissanaw, ammanuwaa ubbaa wode gonddalliyaadan oyk’k’ite. 17 Atotetsaa huup’iyaan wotsiyaa birataa k’oobiyaadan wotsite; k’ay Geeshsha Ayaanaa mashshaa gideedda S’oossaa k’aalaa oyk’k’ite.✝6:17 Isa. 59:17 18 S’oossaa woossiiddenne Aa maaduwaa oochchiidde, ubbaa wode Geeshsha Ayyaanan S’oossaa woossite. Hewaa diraw, minnite; salettoppite; geeshshatuwaa ubbaw S’oossaa ubbaa wode woossite.