Abraamo S’eesaa
1 Med’inaa Goday Abraama yaageedda; «Neeni ne gadiyaappe, ne dabbotuwaappenne ne aawuwaa golle asaappe shaakettaade, taani neena bessiyaa gadiyaa ba.12:1 Kit. 7:2-3; Ibr. 11:8 2 Taani neena wolk’k’aama kawutetsaa ootsana; k’ay taani neena anjjana; taani ne suntsaa gitayana; yaatina neeni anjjo gidana; 3 taani neena anjjiyaawantta anjjana;12:3 Gal. 3:8 k’ay neena shek’k’iyaawantta taani shek’k’ana; ha sa’aa bollan de’iyaa Asay ubbay ne baggana anjjettana»12:3 Ne baggana anjjettana: Neena anjjowaada anjjana mala ubbay woosana. yaageedda.
4 Abraame Med’inaa Goday aw odeeddawaadan denddiide beedda; Loos’ekka aanana beedda; Abraame Kaaraaneppe beedda wode, aw laytsay laappun tammanne ichchesha.