Lucas 5

Yesuusi Koyro Barena Kaalliyaawantta Dooreedda

1 Itti gallassi Yesuusi Gensaarees’e Abbaa*5:1 Gensaarees’e Abbaa: Galiilaa Abbaw imetteedda dumma suntsaa. gas’aan ek’k’iide de’ishshin c’ora Asay aakko shiik’iide S’oossaa k’aalaa sisanaw sugetti de’iino.✝5:1-3 Mat. 13:1, 2; Mar. 3:9, 10; 4:1 2 He wode laa"u wonggiratuu*5:2 Wonggiriyaa: Wonggiriyaa geetettowe, wogga haatsaa woy abbaa bollaan Asay hefintsa bagga pinnanaw go"ettiyaa miishshaa. Hayk’k’o Asay moogettiyaawaa gidennawaa eranaw koshshee. Abbaa gas’aan ek’k’owaa I be’eedda; moliyaa p’iriyaawanttu k’ay wonggiratuwaappe wod’d’iide barenttu dabbaa meec’c’i de’iino. 3 Yesuusi wonggiratuwaa giddoppe Simoonawunno gideeddawunnin geliide sa’aappe yaa abbaakko guutsaa shiishshanaadan oochcheedda. Hewaappe guyye wonggiriyaa bollan uttiide asaa tamaarissuwaa doommeedda.

4 Tamaarissuwaa betsowaappe guyyiyaan Simoona, «Wonggiriyaa yaa abbaa c’iimmuwaakko shiishshite; hinttenttu dabbaakka moliyaa p’iranaw olite» yaageedda.

5 Simoonikka, «Godaw, k’ammaa kummentsaa daaburi ak’iide ayinekka oyk’k’ibeykko; shin ha"i Neeni goowaadan dabbaa oleetto» yaagi zaareedda.✝5:5 Yoh. 21:3

6 Hewaadankka ootseedda wode, daro c’ora moliyaa oyk’k’eeddino. Unttunttu dabbatuukka duus’erettanaw haneeddino.✝5:6 Yoh. 21:6 7 Hara wonggiriyaan de’iyaa laggetsatuu yiide maaddanaadan wutteeddino; unttunttu laa"u wonggiratuwaankka moliyaa kuntsina wonggiratuu mitettussaa doommeeddino.

8 Simooni P’es’iroosikka hawaa be’eedda wode Yesuusa gulbbatan kunddiide, «Godaw, taani nagaranchcha asaa gido diraw taappe shaaketta» yaageedda. 9 Hawaa geeddawe inne aanana ittippe de’iyaawanttu ubbay barenttu oyk’k’eedda moliyaa c’oratetsaan maalaletteeddino. 10 Hewaadankka k’ay Simoona laggetsaa gideeddawanttu Zabddiyoosa naanatuu Yaak’oobinne Yohaannisi maalaletteeddino.

Yesuusikka Simoona, «Yayyoppa hawaappe guyyiyaan asaa p’iriyaawaa gidanaassa» geedda.

11 Unttunttukka wonggiratuwaa haatsaappe gas’aa kessiide, ubbabaa aggiide Yesuusa kaalleeddino.