Luuk'aasa Mishiraachchuwaa 9

Yesuusa Kaalliyaawantta Gakkiyaa Paac’iyaa

57 Unttunttu ogiyaanna biishshin, itti bitanii Yesuusa, «Godaw, neeni biyaasaa ubbaa taani neena kaallana» yaageedda.

58 Yesuusi Aa, «Worakanatoo ollay, saluwaa kafatookka gollii de’ee; shin taani, Asaa Na’ay, gela shemppa akkiyaa sa’ay taw baawa» yaageedda.

59 Yesuusi hara uraa, «Taana kaala» yaageedda.

Shin, bitanii, «Godaw, taani kasiyaan baade ta aabba moogana» yaageedda.

60 Yesuusi, «Hayk’k’owantta barenttu hayk’k’owanttu moogino; neeni baade, S’oossaa kawutetsaabaa oda» yaageedda.

61 K’ay hara bitanii, «Godaw, taani neena kaallana; shin koyruwaan ta soy asaa baade sarotana» yaageedda.✝9:61 1 Kat. 19:20

62 Shin Yesuusi Aa, «Booraa goshanaw doommowe ooninne guyye s’eellooppe S’oossaa kawutetsaw bessena» yaageedda.