Mark'k'oossa Mishiraachchuwaa 10

4 Unttunttu, «Muse, ‹Itti Asay bare machchatto paramaa immiide yeddo› geedda» yaageeddino.✝10:4 Zar. 24:1-4; Mat. 5:13

5 Yesuusi zaariide unttuntta, «Hinttenttu odina sisennawantta gidiyaa diraw, Muse ha azazuwaa hinttenttoo s’aafeedda. 6 Shin S’oossay koyro med’d’iyaa wode, attuma asanne mac’c’a asaa ootsiide, unttuntta med’d’eedda.✝10:6 Dom. 1:27; 5:2 7 Hewaa diraw, itti Asay bare aabbanne bare daayo aggiide, bare machchattinna ittuwaa gidee; 8 unttunttu laa"atuu itti asho gidiino; hewaa diraw, unttunttu itti asaa gidiyaawaappe attin, laa"u asaa gidikkino.✝10:8 Dom. 2:24 9 Hewaa diraw, S’oossay ittippe gatseeddawaa Asay shaakkoppo» yaageedda.