Marcos 7

Yesuusi Tullenne Duude Gideedda Itti Bitaniyaa Patseedda

31 Yesuusi S’iiroosa gadiyaappe kesiide, Sidoonaannanne Tammu Katamaa giyaa gadiyaanna kantsiide, Galiilaa Abbaakko beedda. 32 Asay tullenne duude gideedda bitaniyaa Yesuusakko ahiide, bare kushiyaa Aa bollan wotsana mala, Yesuusa woosseeddino. 33 Yesuusi barekka he bitaniyaa c’ora asaappe gas’aa kessiide, bare birad’d’iyaa Aa haytsaan yeddeedda; k’ay c’uchchaa c’uchchiide, Aa ins’s’arssaa bochcheedda. 34 Saluwaa pude s’eelliide, tookki shemppiide, «Eftahi»*7:34 Eftahi: Ha k’aalay Yesuusi ha alamiyaan de’iidde tamaarissiyaa wode, go"ettiyaa Aramaayike yaagettiyaa k’aalaan haasayeeddawaa. yaageedda; hewaa giyaawe dooyetta giyaawaa. 35 Bitaniyaa haytsay ellekka dooyetti aggeedda; k’ay Aa haasayenna ins’s’arssaykka biletti aggeedda; bitanii ayinne waayettennan haasayii aggeedda.

36 Yesuusi asaw, «Hawaa oossinne odoppite» yaagiide odeedda; shin I darssi minisi odina, Asay k’ay oduwaa yaa darisseedda. 37 Hewaa siseedda Asay ubbay daro maalalettiide, «Ubbabaakka I loytsi ootsee. Haray atto tulliyaakka sissee; k’ay duudiyaakka haasayissee» yaageeddino.