Mark'k'oossa Mishiraachchuwaa 8

Yesuusa Kaalussay Oochchiyaa Gatiyaa

34 Yesuusi c’ora asaanne barena kaalliyaawantta barekko s’eesiide, «Taana kaallana koyyiyaa uray de’ooppe, barena kaddo; yaatiide bare mask’k’aliyaa tookkiide, taana kaallo. 35 Ayaw gooppe, bare shemppuwaa*8:35 Shemppuwaa: Giriikiyaa k’aalaan izaawa woy asaa shemppuwaa geetetti biletteedda. ashshana koyyiyaa uray bayizzanawaa; shin ta dirawunne wonggalaa mishiraachchuwaa diraw bare shemppuwaa bayizziyaa uray ashshanawaa. 36 Itti uray sa’aan de’iyaa ubbabaa barew shiishshiide, bare shemppuwaa bayizzooppe, Aa ayaa maaddanee? 37 Itti uray bare shemppuwaa wozanaw ayaa immana danddayi? 38 S’oossaa ammanenna ha nagaranchcha yeletaa wodiyaan, itti uray taananinne ta k’aalaan yeellatooppe, taanikka, Asaa Na’ay, k’ay ta Aawuwaa bonchchuwaan geeshsha kiitanchchatuwaanna yiyaa wodekka, aan yeellatana» yaageedda.