Mateus 2

Dolahaa Baggappe Yeedda S’oolinttiyaa Paydiyaa Asatuwaa

1 Yesuusi Yihudaa gadiyaan Beeteleeme geetettiyaa katamaan Heroodise kawutiide de’iyaa wode yeletteedda; hewaappe guyyiyaan, s’oolinttiyaa paydiyaa asay*2:1 S’oolinttiyaa paydiyaa asaa guussay, eretteedda maaraa biletsaan eranchcha asatuwaa guussaa. awayifii doliyaa baggappe Yerusaalame yiide, 2 «Ayihuda kaatiyaa gidanaw yeletteedda na’ay hak’an de’ii? Nuuni awayifii doliyaa baggana keseedda Aa s’oolinttiyaa be’iide, aw goyinnanaw yeeddo» yaagiide oochcheeddino.

3 Kaatiyaa Heroodise, hewaa sisiide dagammeedda; Yerusaalamen de’iyaa Asay ubbaykka wozanaa bayeeddino. 4 Heroodise k’eesatuwaa kaappatuwaa ubbatuwaanne Muse higgiyaa tamaarissiyaawantta s’eesiide, «Kiristtoosi hak’an yelettanddeeshsha?» yaagiide oochcheedda.

5,6 Unttunttu zaariide, «Yihudaa gadiyaan Beeteleeme katamaan yelettanawaa. Nabii,

« ‹Yihudaa gadiyaan de’iyaa Beeteleeme,

neeni Yihudaa gadiyaan de’iyaa wolk’k’aama katamatuwaappe laafakka.

Israa’eeliyaa mooddiyaawe neeppe kesanawaa›

giide s’aafeedda» yaageeddino.✝2:5-6 Mik. 5:2

7 Hewaappe kaala, Heroodise awayifii doliyaa baggappe yeedda asatuwaa geeman s’eesiide, s’oolinttii unttunttoo beetteedda wodiyaa unttunttuppe geeshshiide ereedda. 8 Yaatiide Beeteleeme unttuntta yeddiidde, «Biide na’aa loytsi koyyite; Aa demmeedda wode taanikka baade aw goyinnanaadan, taanakka erissite» yaageedda.

9 Unttunttu kaatii geeddawaa sisi biidde ogiyaan awayifii doliyaa baggana unttunttu kase be’eedda s’oolinttiyaa be’eeddino; na’ay de’iyaasaa gakkiide ek’k’ana gakkanaw, s’oolinttii unttuntta kaaletseedda. 10 Unttunttu he s’oolinttiyaa be’eedda wode, zaway baynna daro nashechchaa nashetteeddino. 11 Golle geliide, na’ay bare daay Mayraaminna de’iyaawaa be’eeddino; gulbbatiide aw goyinneeddino; hewaappe kaala, barenttu saas’iniyaa dooyyiide, work’k’aa, is’aanaanne kawaraa*2:11 Is’aanaanne kawaraa: Is’aanay, maaddiyaa d’iiliyaa gidiide, tamaan yeggiyaa wode sawanaassa; kawaraykka sawoo maaddiyaa d’iiliyaa gidiide shittuwaadan maaddee. aw imotaa shiishsheeddino.

12 Unttunttu Heroodisakko simmenna mala, S’oossay akumuwaan unttuntta, «Hinttena erite» giina hara ogiyaanna barenttu gade simmeeddino.