Mateus 21

Ayfii d’ayeedda Balasiyaa Mitsatto

18 Yesuusi wontta guuraanna katamaa beedda diraw koshatteedda. 19 Ogiyaa doonaan itti balasiyaa geetettiyaa mitsatto be’iide, iikko beedda; bi gakkiyaa wode he mitsattin haytsaa s’alalaappe attin, ayfiyaa ayinne demmibeenna; izo, «Laa’entsuwaa med’inawukka ayfoppa» yaagina, he balasatta elekka mela aggaaddu.

20 Aa kaalliyaawanttu hewaa be’iide maalalettiide, «Ha balasatta waanaade itti kutsaan mela aggaaddee?» yaageeddino.

21 Yesuusi zaariide, «Taani hinttenttoo tumuwaa gay; hinttenttu ammanuu de’iyaawanttanne sid’ennawantta gidooppe, ha balasatto taani ootseeddawaa mala s’alalaa ootsikkita; shin haray atto hinttenttu ha deriyaa, ‹Denddaade abbaan kundda› ginttokka hanana; 22 hinttenttu ammaniide S’oossaa woossiyaawaa ayaa gidinttokka akkana» yaageedda.