Maatoossa Mishiraachchuwaa 24

Asaa Na’ay, Kiristtoosi Laa’entsuwaa Yaana

29 «He wode waayiyaappe guyyiyaan,

elekka away d’umaana;

agenay poo’iyaawaa agganawaa;

s’oolinttatuu saluwaappe kunddanawantta;

k’ay saluwaan de’iyaa wolk’k’atuukka k’aas’ettanawantta.✝24:29 Isa. 13:10; 34:4; Hiz. 32:7; Iyu. 2:10, 31; 3:15; Sas'. 6:12-13

30 He wode ta mallay, Asaa Na’aa mallay, saluwaan beettanawaa; sa’aan he wode de’iyaa asaa zarii ubbay yeekkanawantta. K’ay taani, Asaa Na’ay, wolk’k’aannanne wolk’k’aama bonchchuwaanna saluwaappe shaariyaa giddonna yiishshin, unttunttu be’ana.✝24:30 Dan. 7:13; Zak. 12:10-14; Sas'. 1:7 31 I bare kiitanchchatuwaa wolk’k’aama malakataanna kiittana; kiitanchchatuu alamew ha gas’aappe ya gas’aa gakkanaw, k’ay sa’aan oyddu baggappe aw dooretteedda asaa shiishshanawaa.