Mateus 5

Tumu Anjjuwaa Akkiyaa Asatuwaa

3 «Barenttu ayaanaa de’uwaan,

hiyyeesaa gideeddawaa eriyaawanttu anjjetteeddawantta;

ayaw gooppe, saluwaa kawutetsay unttunttussa.

4 Kayyottiyaawanttu anjjetteeddawantta;

ayaw gooppe, S’oossay unttuntta minisana.✝5:4 Isa. 61:2

5 Ashikke gideeddawanttu anjjetteeddawantta;

ayaw gooppe,

unttunttu sa’aa laattana.✝5:5 Maz. 37:11

6 S’illotetsaa koshattiyaawanttunne saamettiyaawanttu,*5:6 Hawaa biletsay S’oossaw eeno giyaawantta woy lo"obaa woy tumobaa ootsiyaawantta guussaa.

anjjetteeddawantta;

ayaw gooppe, S’oossay unttuntta kalissana.

7 Maariyaawanttu anjjetteeddawantta;

ayaw gooppe,

S’oossay unttuntta maarana.

8 Wozanaa geeshshatuu anjjetteeddawantta;

ayaw gooppe,

unttunttu S’oossaa be’ana.

9 Asaa sigetsiyaawanttu anjjetteeddawantta;

ayaw gooppe, S’oossay unttuntta,

bare naanaa giide s’eesana.

10 S’illotetsaa diraw,

yederssettiyaawanttu anjjetteeddawantta;

ayaw gooppe, saluwaa kawutetsay unttunttussa.*5:10Saluwaa kawutetsay unttunttussa: Guussay he asatuu saluwaa kawutetsaa laattanaw danddayiyaawantta gidiyaawaa bessee.

11 «Hintte taana kaalliyaa diraw, Asay hinttena boriyaa wodenne waayissiyaa wode, k’ay hintte bolla iitabaa ubbaa wordduwaan haasayiyaa wode, hintte anjjetteeddawantta. 12 Hinttew saluwaan wolk’k’aama woytay de’iyaa diraw, nashettite; hashshu giite; ayaw gooppe, Asay hintteppe kase de’eedda nabatuwaa hewaadan yedersseeddino.