Mateus 8

Yesuusi Gotuwaanne Beetaa C’o"u Ootseedda

23 Yesuusi wonggiriyaan geloode, Aa kaalliyaawanttu aanana beeddino. 24 Beetay wonggiriyaa mittana gakkanaw, abbaan wolk’k’aama hobbii denddeedda; shin Yesuusi gem"isheedda. 25 Aa kaalliyaawanttu aakko biide, gem"ishuwaappe dentseeddino; hewaappe simmiide Aa, «Godaw, nuuni d’ayeetto; nuuna ashshaarikkii» yaageeddino.

26 Yesuusi unttuntta, «Ha ammanuu pac’c’eeddawanttoo, ayaw yayyiitee?» yaageedda. Hewaappe guyyiyaan denddiide, gotuwaanne beetaa aggite giina, gotuunne beetay c’o"u geedda.

27 Asay maalalettiide, «Hawe laa haray atto, gotuunne beetay azazettiyaawe ayba asee?» yaageeddino.