Provérbios 2

Aad’d’eeda Eratetsaappe Beettiyaa Anjjuwaa

1 Ta na’aw, neeni ta giyaawaa akkooppe, ta azazuwaakka ne giddon minjjooppe, 2 aad’d’eedda eratetsaa hayzzooppe, ne wozanaappe akeekooppe, 3 eratetsaa s’eesooppe, akeekaakka d’ok’k’u ootsaade s’eesa. 4 Asay biraa woy k’oseedda miishshaa koyiyaawaadan, neeni eratetsaa koyya. 5 He wode neeni Med’inaa Godaw yayyee giyaawe ayentto akeekana; S’oossaakka loytsaade erana. 6 Ayaw gooppe, Med’inaa Goday aad’d’eedda eratetsaa immee; aappe eratetsaynne akeekay beettee.