2 Gidenna; nuuni nagaraa ootsenna mala hayk’k’idiggeeddo. Yaatina, nuuni hawaappe sintsaw wooti Aa giddon de’anee? 3 Woy nuuni ubbatuu Kiristtoosa Yesuusanna ittippe gidanaw, s’ammak’etteedda wode, Aa hayk’uwaankka aanana ittippe gidanaw s’ammak’etteeddawaa erikkitee? 4 Hewaa diraw, Kiristtoosi bare Aawuwaa bonchcho wolk’k’aan hayk’uwaappe denddowaadan, nuunikka ooratsa de’uwaa de’anaw, Aa hayk’uwaa aanana shaakkanaw s’ink’k’ataani aanana ittippe moogetteeddo.

5 Ayaw gooppe, nuuni I hayk’k’eeddawaadan hayk’k’iide, aanana ittuwaa gidooppe, hawaadankka, hayk’uwaappe I denddowaadan nuunikka denddiide, aanana ittuwaa gidana. 6 Nuuni hawaappe sintsaw nagaraw ayile gidenna mala, k’ay nu nagaranchcha asatetsaa wolk’k’ay d’ayana mala, nu ec’a asatetsaa Kiristtoosanna mask’k’aliyaa bolla misimaariyan d’ishetti kak’etteeddawaa ereetto. 7 Ayaw gooppe, itti uray hayk’k’iyaa wode nagaraa wolk’k’ay Aa mooddenna; shin