Amós 8

फव सी भरायलो खिल्लो

1 परमेश्वर यहोवा मखे यो देखाड़ियो: कि उनाळा दाहड़ा मा फळो सी भरायलो खिल्लो छे। 2 होयु कोयु, ए आमोस, तुसे काय देखा पोड़े? हांव कोयु "उनाळान दाहड़ान फोळ सी भोरायली एक खिल्‌ली।" तोत्‌यार यहोवा मारे सी कोयु, "मारा इसराएली मानसोन चेहलो टेम आय गोयलो छे; हां हेमी हेनुक ओळी नी छुड़ो।" 3 परमेश्वर यहोवा न यो बुल छे, उना दाहड़े मन्दिरन भक्तिन गीत विखा ना बदली जासे हांव कोयु, आरु धोड़ोन एक मोटलु ढीग लाग जासे; आरु आखा जागाम चे हुगा-हुगा नाख देसे। खिल्ली

इसराएलन नाश

4 यो सोमवु, तुमु जे गोरीब मानसोक वेला पाड़ने आरु देसोन वेला कोरन्‌या मानसोक नास कोरने चाहाय रोया, 5 जो कये, नोवलु चांद कोत्यार वितसे कि हामु ओन वेच सोकजे? आरामोन दाहड़ु कोत्‌यार जासे, कि हामु ओनोन कोंजा उगाड़ीन बाट काजे नानो आरु टाकड़ी काजे भारो कोर देजे, आरु धुका सी ठोगजे। 6 कि हामु कमजुर क रिपिया अपीन, आरु गरबीयान क एक जुड़ी खासड़ान भाव मा आरु बिगेड़लो ओन वेच देय। 7 योहोवा, याकुबोन मोटाय कोरनो वारु छे, चोत् आपसी आन खाईन कोवे, हांव तुमरा काहना वी कामोक कोदी नी विसरो। 8 ती काय इना कारण सी धरती नी कापे? काय हेनु पोरुन सब रयने वाळा दु:ख नी करे? यो देश सब ने सब मिसरन नील नोंदीन सारको छे, जो जादा होये आरु कोम होय जाय। 9 परमेश्वर यहोवान यो बुल छे, "तेन टेमे हांव दाहड़ाक सिरानोन टेमे डुबाड़ दीस, आरु इना देस काजे सिरानी वेवात् आंधारो कोर दीस। 10 हांव तुमरा तिहवारन खुशी क दु:ख करावीस, आरु तुमरा सब गीत क दूर करीन विखान गीत गवाड़ीस; हांव तुमु सबन कड़ीया मा गंटो बन्‍दाड़ीस, आरु तमु आखान मुनकाक बुड़ाय दीस, आरु ओसो रोड़ावीस जोसो एकखुळ्या जुगु होये, आरु हेरा सोरनो काठला दाहड़ा सारको हुयसे। 11 परमेश्वर यहोवा न यो बुल छे, देखो, असला दाहड़ा आय रीया, जव हांव इना देश मा महंगाय करीस; मानसोन भुक ते रोवसे बाखुन ओनो जुगु नी, तिसला ते रोवसे पुन पानी जुगु नी, पुन यहोवान वचन सोमोळने जुन भुख ने पीस हुयसे, 12 लोगहन यहोवा न वचनन हेर करीन दोरीये गोथा दोरीये लोगुन आरु बोखेवरे गोथा उगेवने लोगुन मोर्‌या-मोर्‌या फिरसे, पुन हेको हात नी कराये। 13 उना टेमा मा जुवानाया छोल्‌ला पोरायटा आरु जुवानिया पोरिया दुयु पीस सी चिमाय जासे। 14 जे मानसे सामरियान, दानोन आरु बेरसेबा न पापी देवता आन खाय। चे हिट पोड़से कोदी नी उठे।"