1 यहुदा परदेश न राजा यहोयाकीम न राज काल न तीसरे साल मा बेबीलोन देश न राजा नबुकदनेस्सर यहुदा न राजधानी यरुशलेम पर आक्रमण कर दिदो, आरु हेको घेरवी लिदो।✝1:1 2 इतिहास 36:5,7 2 तव पोरबु परमेश्वर यहुदान राजा यहोयाकीम आरु हेका नगर को नबुकदनेस्सर न हात मा कर दिदो। नबुकदनेस्सर परमेश्वर न मन्दिर न काहय चुखला ठिकरा पर भी हक कर लिदो, यो आरु त्यो हेनको शिनार देश मा आपसा देवता न मन्दिर मा ली गयो। त्यो ठिकरा को आपसा देवता न कुठार घर मा मेली दिदो।

3 राजा नबुकदनेस्सर आपसा खास ओदमी अशपज को हुकुम दिदो, जावो आरु इसराएली जात न उन केदड़ान को ली आवो जो राजपरीवार आरु कुलन ओवलियाद छे। 4 त्या जुवानिया हुयनो चाहे आरु हेनु मा काहय भातीन गुनु नी हुयनो जुळे‍ त्या देखने मा घाटाळा आरु आखे रीतिये समझ वाळा हुयनो चाहये। त्या राजवाड़ा मा सेवा करे असा हुयनो चाहये। जव त्या बेबीलोन मा आय जाय तव हेनको कसदी जात न गुणे, शास्तुर आरु भाषा सिकाड़जो। खास ओदमी अशपनज राजा नबुकदनेस्सर न हुकुम न पालन करीयो। 5 राजा हुकुम दिदो कि इसराएली जात न हेनु जुवानीया न को राजावाड़ा न खानो जड़नो चाहे त्यो आपसु खातो हय; त्यो मोंद हरनको पिवाड़ो जो त्यो आपसुत् पितो हय। इनीये रीतिये हेनको तीन साल तक हेनको पाळनी पुसाळनी हुयती रयी। तव हेका बाद मा राजा न सामने हेनको लावे। 6 इनु इसराएली जवानीया माईन यहुदा कुल न या चार जवानीया हुता; दानियेल, हनन्याह, मीशाएल आरु अजर्याह। 7 खास खुजो डाहलु अशपनज हेनको नयो नाव आपियो। त्यो दानिएल न नाव बेलतशस्सर, हनन्याह का शद्रक, मीशाएल न मेशक आरु अजर्याह का अबेदनगो राखीयो।

8 पुन दानियेल आपसा मन मा यो विचार करीयो कि नी ते त्यो राजा न खाना माईन आरु नी ते मोंदो माईन पीये जो राजा पीये; आरु यो आपसाक चुखो नी करे। अतरान करीन त्यो डाहला खुजा अशपनज से विनता करीयो की, मखे राजा न हुकुम सी छुटक राख जिना मा हांव विटळ नी हुयो। 9 परमेश्वर डाहला खुजा अशपनज न मन मा दानियेल न करता मोंग ने दया भर दिदो। 10 पुन अपसनज दानियेल सी कयो, मखे इनी वात बीक छे की कदाम तमु म्हारा राजा न लारे कयला खानो नी लेयो ती थार मुय थारा साथी सामने फिको देखाय पड़से आरु म्हारा म्हाथा क राजा न सामने जोखिम मा न्हाकसो। आरु राजा म्हार मुनकाक काट न्हाकसे। जोत्यार मारु मालिक तुमरा मुख उतेरला देखसे, तोत्यार तुमु मारा मुनका काजे वेला मा नाख देसु माहाराज मारा मुनका काजे डीलो गोथु आंगे कोर देसे।

11 तव दानियेल उना डाहला सी, जिनाक वेवस्था करने वाळा डाहलो दानियेल, हनन्याह, मीशाएल, आरु अजर्याह न उपर देख रेख करने करीन डाहलो बनावला हुतो। हेका सी कयो, 12 "हांव थार सी विनती करो कि दस दहाड़ा तक हामुक खाने पीने वाटे पानी आप। 13 ओवळते दस दाहड़ा बाद हामरो मुंय आरु जो जवानीया राजा न खाना माईन खाये हेनका मुंय को देख; आरु जसो तुको देखाय पड़े, हेकोत अनसारे आपसा चाकरीया सी तु करजी।"

14 त्यो हेनकी यी विनता मान लीदो, आरु दस दाहड़ा तक हेनको पारखतो रीयो। 15 दस दाहड़ा बाद हेनका मुय राजा न खानो खादला जवानिया रयीन वारु आरु चिकना देखाय पड़ीया। 16 तव त्यो खाणान व्यवस्था करने वाळो मुखी हेनको खानो आरु हेनको पीने करीन नेवाड़लो मोंद दुयु छुड़ीन हेनको भाजी पालु आपने लागियो।

17 परमेश्वर हेनु च्यारो जवानिया क आखे भातियेन शास्तुर भोनाय लोखाय आरु आखे भांतीन भाषा मा अकोल आरु चतुराय आपीयो; आरु दानियेल सब भांतीन दर्शन आरु सपनान पुरावो समझनेन अकोलदार हुय गीयो।

18 तव जतरा दाहड़ा न बाद नबुकदनेस्सर राजा जवानीया तीन सालन बाद माहय लावने न हुकुम आपलो हुतो, ततरा दाहड़ा वितनेन बाद खुजा न डाहलो हेनको राजा न सामने ली आयो। 19 राजा हेनु सी वात चीत करने लागीयो; आरु दानियेल, हनन्याह, मीशाएल, आरु अजर्याह न बराबर हेनु माईन कोय नी बनीयो; अतरान करीन त्या राजा न सामने हाजिर रयने लागीया। 20 अकोल आरु आखे भातीयेन शान न वारा मा जो काय राजा हेनु सी पुछतलो उना माईन त्या पुरा परगणान अकोल वाळा नजर बांदा सी दुय गुना पाका निकळतला। 21 आरु दानियेल कुसरु राजा न पेहला साल तक बनलो रीयो।