17 परमेश्वर हेनु च्यारो जवानिया क आखे भातियेन शास्तुर भोनाय लोखाय आरु आखे भांतीन भाषा मा अकोल आरु चतुराय आपीयो; आरु दानियेल सब भांतीन दर्शन आरु सपनान पुरावो समझनेन अकोलदार हुय गीयो।

18 तव जतरा दाहड़ा न बाद नबुकदनेस्सर राजा जवानीया तीन सालन बाद माहय लावने न हुकुम आपलो हुतो, ततरा दाहड़ा वितनेन बाद खुजा न डाहलो हेनको राजा न सामने ली आयो। 19 राजा हेनु सी वात चीत करने लागीयो; आरु दानियेल, हनन्याह, मीशाएल, आरु अजर्याह न बराबर हेनु माईन कोय नी बनीयो; अतरान करीन त्या राजा न सामने हाजिर रयने लागीया।