1 ✝ 1:1 मत्ती 13:55; मरकुस 6:3 यहूदा कि आरू छे जो ईशु मसीह क दास आरू याकूब क भाई छे, उन बुलायो हुयो क नाम जो यहोवा–भगवान क बास मा मोंगावु आरू ईशु मसीह क करता सोरक्षित छे।

2 दया आरू शांती आरू मोंग तुमू बहुतायत छे हासिल हुयसे रया।

3 हे मोंगावु, जव हाव तुमू उना उध्दार क विषय मा लिखने मा घण मेहनत छे कोशिष कर रया हुता जिनामा हामु सब सहभागी छे, तो हाव ने तुमूक यो समझाया छाची जाने कि उना विश्वास क करता पुरो यत्न करो जो चुखलो मानसे क एक हिय बार आपी गया हुता। 4 काहकि कोतरा ओसो मानुस मनेन छे हामु मा आय मिव्य छे, जिन्दरे इनीये दण्ड क वर्णन जुनला टेहाव मा पेहल ही छे लिख्या गया हुता: यो भक्तवन छे, आरू हामरे यहोवा–भगवान क फोकटन दया क लुचपन मा बदल नाकता छे, आरू आमरो एकुत् भगवान आरू पोरबु ईशु मसीह क मना करता छे।

5 पर यद्यपी तुमू सब वात एक बार जान त्योक्या होय, तवभी हावने तुमू इनीये वात कि सुधी देखाड़ने जुवता छे, कि पोरबु ने एक कुल क मिस्र देश छे छुड़वने क बाद विश्वास नी लावनेवावा क नष्ट कर दिदो। 6 पछु जिन सोरगदूतो ने आपने पद स्थिर नी राख्यो वरना आपसी नीच निवास क छुड़ दिदा, त्यो उनको भी उना काटला दहाड़ा क न्याय क करता आंधारा मा, जो अमरकाय क करता छे, बांधने राख्या छे। 7 जीन रिती छे सदोम आरू गमोरा आरू ओको आस पास क नगर जो इन्दरे समान व्‍यभिचार होय गया हुता आरू पराया डील क पोछो लागो गयो हुता, आगठो क अमरकाय दंड मा धरीन दृष्टांत ठेहरायो छे।

8 तीनी रीति छे यो स्वप्नदर्शी भी आपसा डील क विटळ करता, आरू पोरबुता क तुच्छ जानता छे, आरू जोरदीन पदवावा क बुरो भलो कयता छे। 9 ✝1:9 प्रकाशितवाक्य 12:7पुन प्रधान सोरगदूत मीकाईल ने, जव शैतान छे मूसा क धड़ क विषयमा विवाद कर्‍या, तो ओको बुरो भलो कयनो दोष लगाड़ ने क साहस नी कर्‍या पर यो कयो "पोरबु तुखे दाट्यो।" 10 पुन यो मानसे जीन वात क नी जानता उनको बुरा भला कयता छे आरू जीन वात क विनअकलिया ढुरो क समान स्वभाव हिय छे जानता छे, उनमा आपने आप क नष्ट करता छे। 11 उन पर हाय! काहकि वो कैन की सी चाल चाले, आरू मजदूरी क करता बिलाम क समान भ्रष्ट होय गया छे, आरू कोहर क समान विरोध करीन नष्ट होया छे। 12 यो तुमरो मोंग संभावना मा तुमरे साथे खातो पितो, दरिया मा डुका़य होयी चाफरीया न पाळ सारको छे, आरू बेधड़क आपसा हिय पेट मा भरनेवावा राखनेवावा छे; वो निर्जल वादवो छे, जीनुक हवा उड़ाय लेता जाती छे, पतझड़ क निष्फल झाड़को क छे, जो दुय बार मर त्योक्यो छे, आरू जड़ छे उखड गयो छे। 13 यो दरिया क प्रचण्ड हिलकोरे छे, जो आपसी लज्जा क फेन उछाळता छे; यो डांवाडोल तारे छे, जीन्दरे करता सदा काव तक घर आंधारा राख्यो गयो छे।

14 हनोक ने भी जो आदम छे सातवी पिढी मा होतो, इन्दरे विषय मा यी भविष्यव्दाणी करी, "देखु, पोरबु आपने लाखो क चुखलो साथे आयो। 15 कि सबका न्याय कर्‍यो, आरू सब भक्तवनो क तींदरा ढोंगी भक्ति क सब काम क विषय मा जो त्या भक्तवन हईन कर्‍या छे, आरू उन सब वातड़ो वात क विषय मा जो भक्तवन पापी ओका विरोध मा कयो छे दोषी ठहराया।"

16 यी तो नी आफरने वाळा, कुरकुर करने वाळा, आरू आपसी लालोच क लारे चालनेवावा छे, आरू आपने मुय छे डाहळाय कि वात बुलता छे, आरू वो लाभ क करता देखीन बढ़ाई कर्‍या करता छे।

17 पुन हे मोंगावु, तुमू उन वात क स्मरण राख्या जो हामरे पोरबु ईशु मसीह क प्रेरित पहेल हिय कय त्योक्यो छे। 18 ✝1:18 2 पतरस 3:3वो तुमू छे कयो करतो होतो "पोछला दहाड़ा मा ओसो ठट्टा करनेवावा होयछे जो आपसी ढोंगी भक्ति करी लालोच क लारे चालसे।" 19 यी वो छे जो फुट नाकता छे; या डीलन अनसारे जीवनिया मानसे छे, जी मा आत्मा नी। 20 पुन हे मोंगावु, तुमू आपने घण चुखलो विश्वास मा बढ़ती करता होया आरू चुखलो आत्मा मा प्रार्थना करता होया। 21 आपने आप क यहोवा–भगवान क मोंग मा बनाय राख्यो; आरू अमरकाय जीवन क करता हामरे पोरबु ईशु मसीह की दया कि वाट जुवता रया।

22 उन पर संका मा छे दया करो। 23 आरू खुप क आगट्टा मा छे झापटीन निकावु; आरू घोणा क पर बीक क साथे दया करू, पुन तींदरा छिंदरा छे भी घीन करू जो डील क द्वारा गुणेगार होय गया छे।

24 हिमी जो तुमूक ठुकर खाने छे वाच सकता छे, आरू आपसी महिमा कि भरपुरी क सामने मगन आरू निर्दोष करीन उबा कर सकता छे। 25 उना एकुत् यहोवा–भगवान हामरे उध्दारकरता कि महिमा आरू गौरव आरू पराक्रम आरू हक, हामरे पोरबु ईशु मसीह क द्वारा जोसो युगानयुग काल छे, हिमी भी होय आरू युगानयुग रया। आमेन।