मत्ती 14

ईशु क पानी पर चालने

22 आरू ईशु तत्काल आपसा चेलान क ढोंड्या पर चढ़ायो, कि त्या ओको सी पेहल कफरनहूम जात रया, जव तक कि लोगहन क भेज देय। 23 त्या लोगहन क भेजीन, प्रार्थना करने करीन अलग बयड़ा पर चढ़ी गियो; आरू साँझ क त्यो वा एखलो हुतो। 24 उना समय मा ढोंड्यो दरिया क बीच मा लहराय रया हुती, काहकि हवा सामने हुती।

25 आरू त्यो रात क चौथे टेमे मा दरिया पर चालीन चेलान क पास आयो। 26 चेला उको दरिया पर चालतो देखीन घबराय गया, आरू कहने लागिया, "त्यो भूत छे" आरू बीह गिया आरू आयड़ने लागिया।

27 ईशु तत्काल चेला सी वात करीयो, आरू कयो, "हिमत राखो, हाव छे; बीहयो मा।"

28 पतरस जवाब दियो, "ए पोरबु, कदाम तु छे, तो मेखे थारा पास पानी पर चालीन आवने क हुकुम दे।"

29 ईशु कयो, "आव!" तव पतरस नाव पर सी उतरीन ईशु क पास मा जाने करीन पानी पर चालने लाग्या। 30 पर हवा क देखीन बीह गियो, आरू जव नाव डुबने लागी तो आयड़ीन कयनो लागियो, "ए पोरबु मेखे बचाव।"

31 ईशु तत्काल हाथ बढ़ावीन पतरस क धर लेदो, आरू ओका सी कयो, "ए विन विनभुरसीया, तु काय क संका करियो?"

32 जव त्या ढोंड्यो पर चढ़ी गया, तो हवा रूक गय। 33 इना पर जो ढोंड्यो पर हुता, त्या लोगहन ओकी आराधना करीन कयो, "सचमुच, तु यहोवा–भगवान क पोर्‍यो छे।"