रोमियो 10

12 यहूदियों आरू यूनानीयो मा कोय भेद नी, अतरान करीन कि चो सब पोरबुन छे; आरू आपना सब नाम लेनेवावा करता बहुताए से बरकत जुड़से। 13 काहकि शास्त्र कयतु छे, "जु कुन भी पोरबुन मदतन करता नाव लेछे, ओको उध्दार जड़से।" 14 पुन पछु जेका पर उको पर विश्वास नी करे, चाँ ओको न नाव कोसो लेछे? आरू जेको नी सोंबड़ी उको पर कोसो विश्वास करे? आरू प्रचारन बिना कोसो सोंबड़े? 15 आरू यदि संदेश सोंबवनेवावा मकले नी जाए, ते कोसो प्रचार करे? जोसो लिखलो छे, "ओको न पाय काय या सुहावने छे, जु वारली वातन खुश खबर सोंमबाड़े छे।" 16 पुन सब ने खुश खबर पर कान्टा नी लागाड़या, भविष्यवक्तो यशायाह कयतो छे, "हे पोरबु, कुन आपना खबर पर विश्वास करला छे?" 17 अतरान करीन विश्वास संदेश सोंबवने से, आरू सोंबवने मसीहन वचन से हतो छे।