Khritaw Jesuha sitihkia yekap
1 Ka ca, nanga phäha Khritaw Jesuh am mi yümatnaka kyaki bäkhäknak üng ngkhängpanga. 2 Saksi khawhah maa ka pyena mtheimthangnak, na ngjaka mtheimthangnak he cän la lü khyang akce pi jah mthei be thei khaia khyange am jah ap siha.
3 Khritaw Jesuha sitihkia yekapa kba khuikhanak cän khameia. 4 Yekap cun naw ani mtheh lü ngthupeki angvai a jesak vaia akce bilawhnak üng kcaw lü i pi am bi khawi. 5 Ngcamei lü dawngkia khyang naw pi mcuhmthenake am a jah läk üngta ngkhyengnak cun am yah khai ni. 6 Ngnüngseng lü lai biki naw akcüka a ah cun taeiki ni.
11 Ahin cun akcanga pyen ni:
"Ani am mi thih üngta,
ani üng mi xüng khai.
12 2:12: Mt 10:33; Lk 12:9 Msu lü mi khamei üngta,
ani am mi up hnga khai.
Ani mi ma üngta,
ani naw pi jah ma hnga khai.
13 Am mi sitih üngpi,
ani cun sitih nglätki,
isetiakyaküng amät naw amät am hmakatsak thei."