Malam Mdannak 21

Khankhaw kthai la Khawmdek kthai

1 ✝ 21:1: Hesa 65:17; 66:22; 2Pit 3:13 Acunüng khankhaw kthai la khawmdek kthai ka jah hmuki. Khankhaw kma la khawmdek kma khyüki xawi. Mliktui pi khyüki. 2 ✝21:2: Hesa 52:1; 61:10; Malam 3:12 Acunüng Mlüh Ngcim, Jerusalem kthai cun nglamica a ceia hama nglanglawi lü ngtünkia kba Pamhnama vei üngka khankhaw üngka naw kyum law se ka hmuh. 3 ✝21:3: Hez 37:27; Lev 26:11,12Bawingawhnak üngka naw angsang yea, "Pamhnama im nghngicim khyang hea hlawnga awm ve. Amimi am alanga awm khai. Amimi cun a khyang hea kya khai he. Pamhnam amät ami hlawnga awm se ani cun ami Pamhnama kya khai. 4 ✝21:4: Hesa 25:8; Hesa 35:10; 65:19Ami mik üngka ami miktui naküt ani naw jah xuh pe khai. Thihnak am awm be ti khai, mlungnatnak, kyahnak, natnak he pi am awm be ti khai. Akphyüm avan khyük pängki hea kyaki," ti se ka ngjak.