Caktawm la Toca
1 5:1: Hez 2:9,10; Hesa 29:11 Acunüng bawingawhnak üng ngawki naw caktawm a khyet lama kpawm se ka hmuh. Ahnu ama ca ng’yu lü msingnak he khyüh am msing awm se ka hmuh. 2 Acunüng khankhawngsä akkyan kcang naw angsang yea, "U naw msingnak he jah kphyan lü caktawm mhmawng khaia nghlawiki ni?" tia, ngpyang se ka hmuh. 3 Cunsepi Khankhawa pi kyase, khawmdek khana pi kyase, mce k’uma5:3:mce k’uma:Thihnak khaw pi kyase, caktawm mhmawng thei lü akhui üngka teng thei khai mat pi am awm. 4 Acunüng caktawm mhmawng lü ak’uma teng thei nghlawiki u pi am a awma phäh aktäa ka kyapki. 5 5:5: Gen 49:9; Hesa 11:1,10Acunüng ngvai he üngka mat naw ka veia, Ä kyapa; Tenga, Ngnängnak yahki Judah pakhui üngka Mukei, Davita mjü akyäp säih naw msingnak khyüh kphyan lü caktawm mhmawng khaia nghlawiki ni" a ti.
6 5:6: Hesa 53:7 Zakh 4:10 Acunüng bawingawhnaka nglung üng Toca ngdüiki cun xüngksei kphyü la angvai he naw nglungna u se ka hmuh. Toca cun hnim pänga mäih lawki. Acun naw khyüh k’kina lü khyüh mik naki. Acun cun khawmdek avana khana tüih pänga Pamhnama ngmüimkhya he khyüha kyaki.