36 Acunüng, lam ani ceh k’um üng, tuia venak pha ni se; ngvai naw, "Tenga, hin üng tui ve ve, Baptican kham vaia i naw na kyawhki ni?" ti se,

37 Philip naw, "Na mlungmthin avan am na jumei üng na kham theiki" ti se; ngvai naw, "Jesuh Khritaw, Pamhnama Cakpaa kyaki ti ka jumki" ti lü a msang.

38 Acunüng, angvai naw senghle ngdüihsak lü, Philipa dä ngvai cun tui da citki xawi. Acun üng Philip naw Baptican a khamsak.

39 Acunüng, tui üngka naw ani thaw law be ja, Bawipaa Ngmüimkhya naw Philip cun cehpüi. Angvai naw Philip am hmu ti kyaw lüpi jekyainak am amäta lama citbeki.