Hlüngtainak am Jerusalem a luhnak
12 Angawi üng, Lätnak Pawia lawkia khyangpänu naw Jesuh Jerusalema law hlüki ti ami ksing üng, 13 12:13 Sal 118:25,26 nghleng hnahe jah kcüngei lü do khaia cit u lü, "Hosana, Bawipa ngming üng lawki Pamhnam naw dawkyanak pe se!" Pamhnam naw Isarelea sangpuxang dawkyanak pe se" ti lü ngpyangkie.
14 Jesuh naw sanghngaksaü hmu lü, acuna khana ngcumki. Cangcim üng ang’yuka mäiha,
15 12:15 Zakh 9:9 "Zion mlüh aw, käh kyüheia;
Tenga sanghngaksaüca üng cum lü,
na sangpuxang law ve."
16 Asüa ta axüisaw he naw am ksing u. Acunsepi Jesuh mhlünmtai a ni üng, Jesuha mawng cangcim naw a pyen ja ania phäh ahikba ami bilawhe ti cun süm law bekie.
17 Lazaruh, ng’utnak üngka naw a khü be, thihnak üngka a mthawh be üng, a peia awmki hea khyange naw pi a mawngma pyenkie. 18 Acunakyase, khyange naw pi a na do u lü ümhlamkie. Acukba müncanksee jah pawhki ni ti ngjakie. 19 Pharisee amimät naw, "Teng u, i am mi pawh khawhki, khawmdek avan naw a hnu läk päng ve" ami ti.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)